Debati “McGonigal”, Berisha: Edi Rama je nën hetim, ke kryer krim!

Jam këtu për një seri pyetjesh. Janë 13, por duhet të jenë 130, tha Kryetari i Partisë Demokratike, Sali Berisha, duke i bërë të qartë Kryeministrit Edi Rama se pa marrë përgjigje në këto pyetje, Shqipëria do ketë kaos dhe vetëm kaos.

“Përgjegjësia do bjeri mbi atë, që ka ulur sot në vendin e vet, tradhëtarin e SHBA, vrasësin me pagesë të opozitës shqiptare, Charles McGonigal. Ke kryer krim në Shtetet e Bashkuara dhe Prokurori i Përgjithshëm i SHBA i tha senatit amerikan mbrëmë se kush paguan punonjësit tanë për interesat e tyre, ata cënonojnë sigurinë tonë kombëtare,” tha Sali Berisha duke shtuar se McGonigal shkoi aty ku e meriton si tradhtar i kombit të tij dhe ti Edi rama do shkosh aty ku e meriton jo vetëm si tradhëtar, por edhe si armik i vendit tënd bashkë me çetën tënde, ndërsa përfundoi:

“Ndaj dhe kërkoj me çdo kusht krijimin e komisionit me të drejtën kushtetuese. Sikundër, vlerësoj aktin tuaj zonjë që ngrite parlamentin për të mbajtur zi për tre qytetare, për tre nëna, vajza.

Por gjithashtu theksoj se, ai vrasës serial ishte një patronazhist i juaji. Ishte turpi juaj, informatori i policisë suaj. Njeriu që liruat dhe keni përgjegjsi të madhe për këtë!”

Fjala e Kryetarit të PD, Sali Berisha

Zotërinj dhe zonja deputetë e deputete. Zonja drejtuese e senacës. Të dashur qytetarë dhe qytetare.

Që në fillim më duhet të theksoj, se skena e këtij parlamenti sot është më e veçanta në tërë historinë e tij. Aty ku është karrigia e kryeministrit, aty qendron sot Charles McGonigal. Kurse ai që duhet të ishte aty është iluziv, sepse i ka hyrë lepuri në bark dhe ka një frikë të tmerrshme nga ajo që i ka bërë vetes së tij. Atë nuk e zë vendi, se ka kryer krime të shëmtuara kombëtare dhe ndërkombëtare.

Ai sot, mirë është të sjellë një barrelë këtu se i ka rënë fuqia te këmbët. Ai sot bëri mirë që nuk doli aty se nuk ka si të paraqitet para shqiptarëve me krimin e shëmtuar trans-atlantik që ka kryer.

Jam këtu për një seri pyetjesh. Janë 13, por duhet të jenë 130, të cilave duhet t’u përgjigjet komisioni hetimor parlamentar. Pa marrë përgjigje këto pyetje, Shqipëria do ketë kaos dhe vetëm kaos. Përgjegjësia do bjeri mbi atë, që ka ulur sot në vendin e vet, tradhëtarin e SHBA, vrasësin me pagesë të opozitës shqiptare, Charles McGonigal.

Zonja dhe zotërinj!

Është e pashembullt në histori, që një vend partner t’i rekrutojë dhe korruptojë kryezbuluesin e një vendi që udhëheq botën e lirë, që udhëheq NATO-n dhe është udhëheqësi kryesor i paqes dhe sigurisë mbi tokë. Është e pashembullt që një kryeministër të vërë në dispozicion të tij, të gjithë shtetin, për të bërë luftën më monstruoze, më të turpshme kundër pluralizmit dhe opozitës.

Ke kryer krim në SHBA dhe po të lexoj se çfarë tha prokurori i përgjithshëm i senatit amerikan mbrëmë. Prokurori i Përgjithshëm i SHBA tha se kush paguan punonjësit tanë për interesat e tyre, ata cënonojnë sigurinë tonë kombëtare. Punonjës, theksoi ai, pale më kryezbuluesin. Ndaj dhe, hiq çdo iluzion, je nën hetim, ke kryer krim. Sa do të mbajë imuniteti diplomatik, por do bëjmë gjithçka që të ta ty heqim atë.

Ti ke vazhduar me McGonigal sistemin e gjobave të 20 përqind-shit që ushtroje me pasion të çmendur.

Mos fol se edhe ti më dukesh McGonigal. Damian, ti fole?, apo foli Taulanti. Cili foli? Se edhe ju McGonigal jeni të dy. Jeni Duçka dhe Neza të dy. Po, po. Mos flisni kur flas unë. Unë ju dëgjoj kur flisni dhe prandaj mos flisni kur flas unë. Më lini të flas!

Vendosët një sistem shushunjëzash, të paprecedent në një vend, ndaj biznesmenëve. Vetëm e vetëm t’i nënshtroni dhe t’i rripni ata.

Këtu në parlament keni qarkulluar ju mashtrimin se janë 152 të blacklistuar, 187 të blacklistuar. Çfarë bënit ju me këtë? Krijonit vetëm backgroundin e gjobave që ekipi Rama-McGonigal vendoste nëpërmjet Nezës, Duçkës.

Çfarë ishte ajo klimë që krijonit?

Ndaj u them: stop manipulimit me marrëdhëniet shqiptaro-amerikane. Ta dijnë shqiptarët se këta, së bashku me Yuri Kim, bënë njoftimin për largimin e ambasadores amerikane, me qëllimin e vetëm që të zgjatej qëndrimi i saj në Shqipëri. Me SHBA na lidhin miqësi dhe vlera të jashtëzakonshme, por besojmë se ata që manipulojnë me këto marrëdhënie, janë armiqtë më të mëdhenj të këtyre marrëdhënieve.

Vazhdoni ju me kurthe të tjera, por të gjitha do t’ua zbërthej. Do vijë dita, të mësojë edhe shqiptari i fundit se çfarë malli jeni ju, se çfarë mafie e rrezikshme, se jeni njerëz nuk keni interes tjetër përveç pasurimit tuaj.

Sesi jeni të aftë të bëni gjithçka kundër kundërshtarëve. Në traditën atërore tuajën, kundërshtarët janë për t’u zhdukur. Dhe monizmi është regjimi më i mirë. Përdorët McGonigal për të certifikuar, për të mbyllur vjedhjet tuaj, për të sulmuar antikorrupsionin në Shqipëri, ata që ditë e natë denoncojnë krimin.

McGonigal shkoi aty ku e meriton si tradhtar i kombit të tij. E sigurt që edhe ti do shkosh aty ku e meriton jo vetëm si tradhëtar, por edhe si armik i vendit tënd bashkë me çetën tënde.

Ndaj dhe kërkoj me çdo kusht krijimin e komisionit me të drejtën kushtetuese. Sikundër, vlerësoj aktin tuaj zonjë që ngrite parlamentin për të mbajtur zi për tre qytetare, për tre nëna, vajza.

Por gjithashtu theksoj se, ai vrasës serial ishte një patronazhist i juaji. Ishte turpi juaj, informatori i policisë suaj. Njeriu që liruat dhe keni përgjegjsi të madhe për këtë!