Debati te ligjet/ Ti fle me dritën hapur, hajdut, vrasës…

Komisioni parlamentar i Ligjeve është përfshirë nga debatet e forta mes pozitës dhe opozitës, ndërsa kjo e fundit kërkoi që pr/ligji për Teatrin i përfshirë me proçedurë të përshpejtuar për miratim në Kuvend, të nxirrej nga rendi i ditës. Por sipas kreut të Komisionit të Ligjeve, të enjten kuvendi miratoi me shumicë votash kalendarin dhe këtu çështja është e mbyllur.

Enkelejd Alibeaj tha se me ligjin për Teatrin, po konsumohet vepër penale. Ndërsa Bylykbashi ka thënë se maxhoranca  po shemb godinën.

Debatet

Alibeaj: Jeni kukulla të Ramës. Po nga burgu keni frikë apo jo? Pse do duhet të beheni pjesë e një organizate kriminale? Cila është pjesë që keni marrë ju në 200 milionë?  Mos u bëni pjesë mos u përdorni në këtë mënyrë. Është faturë e madhe politike. Jeni duke konsumuar vepra penale, nuk ju shpëton fakti që jeni deputetë, nuk ju shpëton fakti e përgjegjësie kolektive. Hiqeni nga rendi i ditës, mos u bëni pjesë e kësaj. Nderoni betimin që keni bërë në kushtetutë, që do të mbroni interesat e publikut.

Manja: Po thyeni kodin e etikës

Alibeaj: Nuk më tregon mua etikën ti. Nuk mund të më bëj moral hajduti.

Manja: Jeni bashkëfajtor në vrasje.

Alibeaj: Nuk ma thua dot mua ti.

Manja: Më tregon ti mua moral, ju që keni vrarë njerëz.

Bylykbashi: Ju po shembni Teatrin.

Manja: Ti nuk e di se ku bie godina e Teatrit Kombëtar. Ju që jeni vrasës, ju nuk mund të më bëni moral mua.

Ulsi: Mos bërtit, nuk dukesh me trim se bërtet

Balliu: O Uliks, ti fle me dritën ndez, mos më trego mua se e di unë ca je ti