“Defender Europe 23”, Yuri Kim: Ne, bashkë me Shqipërinë do të vazhdojmë të bëjmë historinë!
Ambasadorja e Shteteve të Bashkuar anë Tiranë, Yuri Kim, nga ceremonia e fillimit të stërvitjes më të madhe ushtarake në Evropë, “Defender Europe 23”, tha se jemi këtu si aleatë dhe SHBA bashkë me Shqipërinë do të vazhdojnë të bëjnë historinë.
“Ja ku jemi në sheshin Nënë Tereza, në një shtëpi demokratike, të rrethuar nga aleatët tuaj. Defender Europe 2023 jemi këtu si aleatë. Amerikanë dhe shqiptarë qëndrojnë krah për krah, dikur të ndarë, tani aleatë të NATO-s. Që prej Defender, Rusia nisi një pushtim të pakuptuar ndaj Ukrainës. Ne jemi të bashkuar,” tha Yuri Kim duke përkujtuar sikur se dje Kryeministri i Kosovës, Albin Kurti po nga ceremonia e hapjes së kësaj stërvitje, “Defender Europe 23”, në Prishtinë, fjalët e heroit kombëtar:
“Nuk mundtë mos kujtoj fjalët e Skënderbeut, heroit shqiptar, por dhe timit; bashkimi bën fuqi. Ky partneritet, na tregon se ne mund të kryejmë çdo mision. Për burrat dhe gratë me uniformë; faleminderit që zgjodhët të na mbroni ne. Jam kaq krenare që qëndroj krah jush. Ju nxis që të na bëni më të fortë dhe më të bashkuar,” tha Ambasadorja e Shteteve të Bashkuar anë Tiranë, Yuri Kim, duke përfunduar:
“Ne, bashkë me Shqipërinë do të vazhdojmë që të bëjmë historinë. Jemi krenarë që qëndrojmë krah për krah me Shqipërinë.”
Ndërsa Kryeministri Edi Rama vlerësoi me këtë rast se Shqipëria nuk ka qenë kurrë më lart në nivelin e respektit ndërkombëtar.
“Pavarësisht gjuhës së flasim apo gjuhës që përfaqësojmë jemi të lidhur me vlera e parime që janë të kërcënuara po njësoj për secilin prej nesh. Ndaj të gjithë bashkë jemi të imponuar nga historia jonë që të funksionojmë në unitet të plotë. Shqipëria bëhet hap pas hapi një pikë referimi. Shpresojmë shumë që edhe me portin që do të ketë nj komponent për të bërë të njëjtë gjë si aeroporti,” tha Edi Rama sot kur Për herë të dytë Shqipëria mirëpret stërvitjen më të madhe ushtarake në Europë, “Defender Europë 2023” ku 24 mijë trupa nga SHBA e NATO zbarkojnë në tokën shqiptare ndërsa përfundon:
“Ne mund të themi se një faqe e re e historisë tonë po shkruhet dhe mund të themi se jemi kontributorë në këtë aleancë të madhe. Një falënderim për të gjithë ju që jeni angazhuar në këtë stërvitje dhe një respekt të veçantë për aleatët tanë”, ka thënë ndër të tjera kryeministri Edi Rama.”
Ndërkohë Forca e Sigurisë së Kosovës me oficerë e nënoficerë i bashkohet shtabit të Task Forcës Jug në Republikën e Shqipërisë, në kuadër të realizimit të ushtrimit ndërkombëtar “Defender Europe 23” të udhëhequr dhe drejtuar nga ushtria Amerikane për Europë e Afrikë.
Ndryshe, nga 21 maj deri më 2 qershor, Kosova është mikëpritëse e stërvitjes ndërkombëtar në rajonin e Ballkanit, “Defender Europe `23”. Ceremonia e hapjes së stërvitjes më të madh ndërkombëtare në rajonin e Ballkanit, u mbajt dje më 21 maj, në Sheshin “Skënderbeu” në Prishtinë.
