Dega e Thesarit të Serbisë në Leposaviç, sekuestrohen miliona dinarë e dhjetëra mijëra dollarë e euro 

Pas bastisjeve që ka kryer në një bankë dhe në degën e Thesarit të Serbisë në Leposaviç, Policia e Kosovës ka bërë të ditur se ka sekuestruar miliona dinarë e dhjetëra mijëra dollarë e euro. 

“Njësitet policore kanë  kryer kontroll në dy lokacione, nën dyshimin se institucionet financiare kanë kryer veprat e cekura. Gjatë bastisjes janë sekuestruar; 5.772.313.00 – dinarë serbë, 57.626.00-dollarë amerikanë, 10.835.00-euro, 2.790.00 franka zvicerane, dy shtëpiza kompjuteri dhe dy DVR të kamerave të sigurisë”, thuhet në raportin 24-orësh të Policisë,” thekson Policia e Kosovës përmes një njoftimi. 

Gjithashtu janë sekuestruar edhe disa vula dhe dokumente të ndryshme që theksohet se dëshmojnë operimin e kundërligjshëm të këtyre institucioneve.

“Lidhur me rastin, të gjitha veprimet janë kryer në konsultim e koordinim me prokurorin e shtetit,” thekson raporti.

Ndryshe, Policia e Kosovës ka bastisur Bankën Popullore të Serbisë dhe degën e Drejtorisë së Thesarit të Serbisë në Leposaviç.

Zv/Drejtori i Policisë për rajonin e veriut, Veton Elshani, tha se aksioni është zhvilluar me urdhër të gjykatës në Mitrovicë të Veriut.