Dëgjo Evropë, të flet komunisti me çitjane: Shqipëria në BE deri në vitin 2030!

Të gjithë ata që e kritikuan Edi Ramën për fushatën me tepsia e dajre, sot e dëshiruan më shumë se gjithçka në botë kur panë Kryeministrin e tyre me premtimet e 4 vjeçarit të ardhshëm! Më mirië tallava se mashtrime ordinere, më mirë zhurmë se fyrje të inteligjencës kur gjithsesi ujë nuk do të ketë, sheshet para pallateve do të vazhdojnë të jenë me gropa të mbushura plotë me ujë, çmimet do ti kontrollojnë oligarkët, në Veri rrugët vetëm do të vazhdojnë të paguhen ndërsa pritja e Brukseli para Portës për ta anëtarësuar në BE shtetin e këtij komunisti me çitjane s’është rrëfenjë as për Zahon as për një analfabet si Tao!

T’keqen e Rrapush Xhaferrit!

Ka ca ditë që thuhej se po shtyhej prezantimi i Programit elektoral të Partisë Socialiste për zgjedhjet e 11 majit për shkak të çunave të montazhit që nuk kishin arritur të realizonin projektet që Edi Rama kishte porositur! Pas prezantimit të sotëm është e qartë se ata janë të rinjë që i duan të mirën Partisë Socailiste por Rama ishte i vendosur ta prezantoj këtë Program ashtu siç e kishte menduar!

Me marrëzira të Shqipërisë në BE deri në vitin 2030, Port të Durrësit siç e kishte menduar ai dhe arabi i Vuçiçit, paga përrallore dhe shkolla për të ndonëse nuk ka nxënës.

“Vetëm duke mos harruar të djeshmen, mund të shohim me qartësi të nesërmen,” u shpreh Edi Rama pas rikujtimit që i bëri shqiptarëve ditëve të funditme trazirat e vitit të zi 1997 shoqëruar me muzikën folklorike të Veriut, pa shfaqur pamje nga masakrat komuniste nga po këto zona nga vitet 1945-1990, ndërsa kujtoi sot pengesat që Shqipëria ka hasur nga politika e brendshme e BE-së.

Qeveria nuk u dorëzua pas refuzimeve të njëpasnjëshme për hapjen e negociatave, tha sot Rama, por vijoi punën për të përmbushur reformat dhe për të forcuar lidhjet me partnerët ndërkombëtarë. Dhe, ndonëse Komunisti me çitjane thotë se Shqipëria sot është në një pikë kyçe të procesit të anëtarësimit, asnjë qytetar i këtij vendi nuk jeton më mirë se në vitin 2013, vit kur Shqipëria nuk po merrte dot statusin e vendit kandidat në BE pikërisht nga ky njeri që kishte bllokuar krijimin e Këshillit Bashkiak të Fierit, dhe pandehur na doli se Ilir Meta nuk ishte ai hajduti i 21 Janarit për të cilin PS dhe Rama i vunë flakën Tiranës sepse ashtu po thoshte Beogradi me të dërguarin e tij, Ish-Presidentin Boris Tadiç.

“Kemi në dorë mundësinë historike të hyjmë në BE. Të hyjmë brenda kësaj dekade sepse yjet janë rreshtuar në favorin tonë. Yjet janë rreshtuar në fatin tonë. Ylli i fatit tonë është rreshtuar me yjet e fatit të Europës, këtë mundësi se kemi pasur kurrë. Ne po negociojmë me një vrull të jashtëzakonshëm, vrull i dyanshëm. Ti çojmë mesazh BE, duam pasaportën e BE për Shqipërinë dhe çdo shqiptar. Pasaporta është një ambicie që deri para pak vitesh më parë do të dukej çmenduri ta kishim në prag të zgjedhjeve për mandatin e katërt.

Kush e do pasaportën e BE duhet të japë kontribut, dhe ky është investimi i votës në qendër të fletës së votimit ku shkruan numri 5, PS dhe Edi Rama.

Çdo konfuzion e bën afatin e 2027 të digjet.  Duhet që më 11 Maj shqiptarët të na japin mandatin dhe ti japin mesazh të fortë BE, duke votuar masivisht për anëtarësimin në BE dhe pasaportën e BE. BE është një perimetër vlerash dhe parimesh,” duke gënjyer si përherë sepse mënyra e vetme për anëtarësimin e Shqipërisë në BE ishte dhe është, pa PS-në në pushtet!

Me Edi Ramën, as që bëhet fjalë, ky ishte dhe është vajguri, fitili dhe shkrepsa e të mirë së tokës shqiptare!

Por Edi Rama nuk ndaloi, dhe njerëzve që heqin të zitë e ullirit për të marrë pasaportën shqiptare sot u foli se si do ta marrin atë evropiane, madje u tregoi dhe modelin e pasaportës që shqiptarët do ta përdorin pas anëtarësimit në Bashkimin Evropian.

“Kjo është fytyra e pasaportës shqiptare evropiane,” u shpreh Edi Rama para atyre fakirave që u ka prish fundjavën sepse shqiptarët që deshtën pasaportën e BE e kanë, dhe jetojnë në shtetet e BE dhe nuk dëgjojnë pallavrat e njeriut që i htotë vetes Kryeministër që 12 vjet!

E për t’ju dëshmuar se nuk është injoran vetëm me kartat bankare të kreditit dhe debitit, ai tha sot se megjithëse qytetarët shqiptarë sot udhëtojnë pa viza, ende përballen me kontrolle shtesë në kufijtë evropianë.

“Kur shkojmë në BE, ai polici na pyet sa lekë ke me vete, ke ndonjë rezervim hoteli, sa do rrish dhe kur do ikësh,” tha Edi Rama, duke nënvizuar se me anëtarësimin, shqiptarët do të kenë të njëjtat të drejta si çdo qytetar i BE-së. Por kjo nuk i bëri përshtypje qytetarëve që nuk udhëtojnë si Kryeministri i tyre me charter, sepse kontrolle të tyre vazhdojnë të kenë sa herë vijnë në vendlindje si nga Greqia, Italia, Mali i Zi apo Serbia e tij e dashur që vazhdon të jetë alergjike në shqiptar.

Por, ky është Edi Rama, as tiganin, as peshkun nuk i ka dhe mjaftohet me zjarrin dhe detin për t’u thënë shqiptarëve se mjafton që vetëm votën t’ia japin.

“Pasaporta e BE është aty, na duhet që shqiptarët të na japin mandatin në 11 maj dhe të japin një mesazh Brukselit duke votuar masivisht për pasaportën e BE!”

Dhe, çuditërisht, në shtetin e Edi Ramës ku është shumë e vështirë të marrësh edhe frymë nëse nuk je socialist, ai sot thotë se liria individuale e dëshiruar prej shekujsh nga shqiptarët, është fituar, por, do të garantohet plotësisht vetëm me anëtarësimin në BE.

“Nuk e fituam barazinë para ligjit as kur u çliruam nga diktatura. Falë reformës në drejtësi, shqiptarët po shohin për herë të parë një përpjekje reale për këtë barazi,” u shpreh Komunisti me çitjane i cili ishte i lirë në diktaturë po aq sa është edhe me sot me ndryshimin thelbësor se sot është i lirë edhe kur thotë se inceneratori i Tiranës ekziston, ai paguhet me firmën e tij, dhe ai ekziston edhe pse kjo drejtësia e reformuar nuk guxon të troket në dorën e tij.

A ka fajtor kur SPAK-heshtë?! Patjetër që po, Saliu!

“Bufi i Kënetës me ata rreth tij betohen se do e kthejnë përmbys këtë. Duan votën që në 12 maj të marrin shpatën e drejtësisë dhe të zhveshin zonjën e drejtësisë nga fuqia për të vendosur barazi para ligjit,” tha sot Edi Rama duke akuzuar Kryetarin e PD, Sali Berishës, i cili nuk mendon asgjë më shumë se hajdutët të dalin para drejtësisë.

Në fund, iu kthye rritjes së pagave, ato që në shtetin e Edi Ramës më nuk kanë kurrfarë kuptimi, dhe derisa PISA flet për arsim të dobët shqiptarë ai sot foli për ndërtim të shkollave, pikërisht sot kur ato boshatisen.

“Sot paga e mësuesve është 950 euro, por ne synojmë ta rrisim atë deri në 1,250 euro deri në vitin 2030.

Kur morëm detyrën, nuk kishim laboratorë. Sot kemi laboratorë inteligjentë, dhe numri i tyre do të arrijë në 1.000. S’do të kemi më asnjë fëmijë që nuk ka akses në arsim,” shtoi Edi Rama pasi dha kumtin se në mandatin e katërt do të ndërtohen 200 shkolla të reja, dhe çdo shkollë do të jetë e pajisur me kamera inteligjente.

“Do të ngrihet shoqëria publike e transportit shkollor, duke mbyllur epokën e transportit me furgonë të ndryshëm!”

Në këtë marrëzie mbrojti dhe Projektin më të madh të mashtrimit që i tejkalon edhe kufijtë e këtij shteti dhe mendjes albaareske, Portin ri të Durrësit. Serbët mund të ankohen me Alabaarin pse u la në gjysëm projektin e tyre “Beogradi në ujë” dhe në pallatet e tyre nuk vuri as ashensor, por si do t’ia bëjnë shqiptarët me Portin, pavarësisht se Rama e konsideron investim strategjik për zhvillimin ekonomik dhe sigurinë kombëtare.

“Vetëm një mendje e mbyllur mund të pretendojë se një port tregtar duhet të qëndrojë mes qytetit,” tha Edi Rama, por kjo nuk u bëri përshtypje shqiptarëve, Kryeministri i të cilëve vetëm fluturon me charter dhe nuk sheh as vendet përreth se ku e kanë Portin dhe ku qytetin.

E kur BE nuk reagon kur Edi Rama flet për mbyllje negociatash të 33 kapitujve për dy vjet, kur sot nuk ka mbyllur asnjë kapituj, ai mori guximin të flas edhe për NATO, të cilën nuk e pyeti që ta zhvendos në ujëra shumë më cekëta dhe sot i ofron ta bëjë bazë të Aleancës, pasi Portin me thellësi natyrale të madhe e la në shërbim të jahteve

“Jemi shumë afër finalizimit të mbështetjes financiare nga NATO. Ky investim do të rrisë ndjeshëm sigurinë e Shqipërisë dhe rëndësinë e saj strategjike në Mesdhe.”

Kështu ëndërra vazhdon, Shqipëria 2030 do jetë ndryshe, por, jo siç e ka përshkruar sot Edi Rama, ky mashtrues ordiner me çitjane.