“Dëgjova se janë lëshuar 1.5 mln çertifikata me letër. Unë pyes se pse?”Ku jeton Edi Rama?!
Kryeministri Edi Rama u habit kur dëgjoi Drejtorin e Gjendjes Civile se vjet janë lëshuar 1.5 mln çertifikata me letër ndërsa po deklaronte se nga data 30 prill 2022 nuk do të ketë më sportele fizike në Republikën e Shqipërisë duke vënë në dyshim faktin dhe kush e drejton këtë shtet, shtet i cili vazhdon të kërkoj edhe vërtetimin më pakuptimtë në botë “banor i lagjes”.
“Dëgjova Drejtorin e Gjendjes Civile, është i ri dhe s’e kam me të. Vjet ai tha që janë lëshuar 1.5 mln çertifikata me letër. Unë pyes se pse? Për çfarë arsye është shpenzuar bojë e letër për 1.5 mln certifikata. Ndërkohë që jo vjet, por të paktën prej 4 vitesh, në mos edhe më shumë, s’ka pasur nevojë të harxhohet fije letre apo bojë për certifikata. Janë ekstreme të një procesi që kërkon vendosmëri të madhe dhe kalim të besimit te teknologjia duke ndërprerë fijet me inercinë e traditës.
Eksperiencat e vendeve të tjera na kanë mësuar që kalimet bëhen në mënyrë drastike. Bëhen me një të prerë të shpatës sepse vazhdojnë bishtat pas bishtave. Kjo prodhon hapësira ku vazhdon zvarritja, stresi e ryshfeti, si dhe shërbimi jo cilësor. Vendimi është i prerë, më datën 30 prill s’ka më sportele në Republikën e Shqipërisë. Kjo do të funksionojë edhe pse në fillim do të ketë ngërçe, shqetësime. Nevoja do t’i bëjë që ta mësojnë,” tha Edi Rama i cili vazhdon të mos e quaj sukses kush e di se çfarë liberalizimin e vizave për shqiptarët dhe anëtarësimin në NATO por nuk pushon së përmenduri suksesin që arriti me njohjen e leje të drejtimit nga Gjermania, që sot tha se lidhet me konvertimin e shërbimit online.
“Është një proces transformues që e çon administratën nga një makineri të shtrirë në territor me zyra, njerëz, radha, zyra pritjeje, në një instrument në shërbim të çdo qytetari në xhep, smartphone apo kompjuterin më të afërt. Është një transformim i jashtëzakonshëm që ka një shembull kuptimplotë. Dreri para këtij procesi ishte e pa imagjinueshme që Republika Federale e Gjermanisë të njihte lejet e drejtimit të Republikës së Sipërisë që buronin nga një proces i pa gjurmueshëm.
Në këtë proces ka pasur një numër lejesh drejtimi që janë dhënë në mënyrë të rregullt, por ka pasur edhe parregullsi. Kjo e bën të pamundur që të imagjinohej që Gjermania do të njihte lejet e drejtimit të Shqipërisë. Mua më kujtohet fare mirë kur e kam ngritur këtë çështje për herë të parë. I gjithë rreshti i palës gjermane u rrudh në fytyrë. Si mund të pretendonte Shqipëria të kishte barazi në këtë proces. Duke e ditur se kishin bërë progres të konsiderueshëm, ne insistuam të vinte një inspektim. Ka qenë një nga momentet e krenarisë time, kur inspektimi i gjermanëve doli pozitiv dhe ato ishin të shokuar se nuk e prisnin atë lloj realiteti të transformuar tërësisht. Vetëm përmes digjitalizimit është realizuar një proces që i ka dhënë mundësi administratës të bëjë performancën më të lartë. Një shembull tjetër i kundërt i tij.”
Ndryshe, sot Kryeministri Edi Rama duke paralajmëruar nisjen e epokës re të shërbimeve pa sportele më 1 Maj, thekson se Shqipëria ka hyrë në elitën e vendeve më të zhvilluara për qeverisjen digjitale, dhe është ndër të parat që i ofron shërbimet me dokumente përmes platformës kombëtare digjitale.
