Deklarata e Bashës që çoroditi Qeverinë/ Ja pse Ruçi i ndërpreu fjalën…

Lulzim Basha, Kryetar i PD-së, bëri të ditur sot nga salla e Kuvendit, se Qeveria gjermane ka dalë në konkluzionin se Shqipëria nuk i ka plotësuar kushtet për hapjen e negociatave dhe se këtë rezolutë të saj, mazhoranca qeverisëse në Gjermani do ta shpallë të martën.

Duket se ka qenë kjo deklaratë e Bashës që ka detyruar Kryeparlamentarin Gramoz Ruçi, që pas disa batutash me deputetë të opozitës, t’I ndërpresë fjalën kreut democrat, duke dhënë si argument përfundimin e kohës 10 minutëshe.

Ruçi ndërpreu seancën duke kaluar Kuvendin në pushim, pasi Basha nuk pranoi të linte foltoren e Kuvendit.

“Verdikti gjerman, tashmë jo thjesht e vetëm i Gunte Krishbaumit, as thjesht e vetëm i Johan Fatefulit, as thjesht e vetëm i kristiandemokratëve, por i qeverisë gjermane, i mazhorancës gjermane, konservatorë e socialistë sëbashku është se Edi Rama ka gënjyer, se Edi Rama nuk i ka bërë detyrat, se Shqipëria nuk i ka plotësuar kushtet për hapjen e negociatave.

Në këtë Rezolutë e cila do të bëhet zyrtare javën e ardhshme, të martën, për herë të parë Shqipërisë nuk i vendosen vetëm kushte, por edhe një proces kontrolli që demostron pabesueshmërinë totale ndaj çdo raportimi të bërë deri më sot nga Edi Rama apo nga hallka institucionale të blera e të korruptuara nga ai. Kjo është një ngjarje dramatike për Shqipërinë. Populli shqiptar që i meriton si asnjë tjetër hapat drejt integrimit, mbahet peng…”, tha Basha.