Deklarata e parë, Udhëheqësi i ri Suprem i Iranit: Ngushtica e Hormuzit do të mbetet e mbyllur!
Deklarata e parë e udhëheqësit të ri suprem të Iranit, Ajatollah Mojtaba Khamenei, e cila u lexua në Televizionin publik të Iranit nuk kishte dallim nga ajo e të atit ku foli për shkatërrime, kërcënime por jo edhe për paqe.
Në deklaratën e tij të parë, Mojtaba Khamenei tha se të gjitha bazat amerikane në rajon duhet të mbyllen menjëherë, përndryshe ato do të sulmohen.
Irani, tha ai, dëshiron marrëdhënie miqësore me vendet fqinje, por se do të vazhdojë sulmet ndaj bazave ushtarake amerikane në rajon. Irani nuk synon vendet fqinje, por vetëm objektet ushtarake amerikane që marrin pjesë në sulmet ndaj Iranit, tha ai, por deri më sot 80% e shënjestrave nuk kishin lidhje me objekte ushtarake amerikane.
Sa i përket Ngushticës së Hormuzit, Udhëheqësi i ri suprem i Iranit, do të mbetet e mbyllur për të ushtruar presion mbi armiqtë e Iranit.
Për gjithë këto tmerre që po i krijon fqinjëve dhe të gjithë atyre që nuk e kanë sulmuar Iranin, u pa se shumë iranianë nuk janë dakord, pasi Udhëheqësi i ri suprem i Iranit, Mojtaba Khamenei, bëri thirrje edhe për unitet kombëtar.
Por fjalori ngeli po ai, gjak Khamenei!
“Ne do ta shenjtërojmë gjakun e martirëve tanë,” tha Udhëheqësi i ri suprem i Iranit, Mojtaba Khamenei, ndërsa falënderoi ushtrinë e Iranit, sepse sipas tij, ka parandaluar që Irani të nënshtrohej ose të ndahej ndërsa vendi ishte nën sulm.
“Do të doja të falënderoja luftëtarët e guximshëm që po bëjnë një punë të shkëlqyer në një kohë kur vendi ynë është nën presion dhe nën sulm. Grupet e armatosura në Jemen dhe Irak mbështesin Iranin,”tha Mojtaba Khamenei duke implikuar Jemenin ku rezistenca, sipas tij, do të bëjë punën e saj, ndërsa grupet e armatosura në Irak, tha ai bindur tha Udhëheqësi i ri suprem i Iranit, duan të ndihmojnë Revolucionin Islamik.
I mirëinformuar për pakënaqësitë në vend dhe ndër shtetet fqinje që kanë shkaktuar sulmet e pakuptimta, Udhëheqësi i ri suprem i Iranit, Mojtaba Khamenei, tha në një fjalën e tij në televizionin publik iranian se duhet të përmirësojë marrëdhëniet me vendet fqinje.
“Të gjithë të plagosurit do të marrin trajtim falas,” tha Ajatollah Mojtaba Khamenei ndërsa situata aktuale duhet të zgjidhet me kompensim financiar për ata që pësuan dëme.
