Dekretet e Metës/ Presidenti i ktheu Ligjet mbrapsht, ja vendimi i Grupit të PS…

Grupi Parlamentar i Partisë Socialiste ka vendosur të rrëzojë dekretin e Presidentit Meta, që i ktheu mbrapsht Parlamentit, ligjin për “Noterinë” i miratuar vetëm me  votat e shumicës. 

Vendimi është marrë sot në mbledhjen e Grupit Parlamentar të PS, dhe në seancën plenare të së enjtes, socialistët do të votojnë kundër dekretit të Metës.

Grupi Parlamentar i PS, i drejtuar nga kryetari Taulant Balla, vendosi gjithashtu që të rishikohet “Ligji për Kadastrën”, të cilin e ktheu për rishqyrtim Presidenti Meta.

Vendim është marrë edhe për qëndrimin që do të mbajë ky Grup Parlamentar për amendamentet e propozuara nga LSI, për zgjidhjen e situatës me studentët që vazhdojnë të protestojnë. Mësohet se amendamenti i LSI, që kërkon rritjen e buxhetiti të Arsimit në 5 % të GDP do të rrëzohet nga Rilindja e Edi Ramës.