Dekreti grek/ Përgjigje Metës, Rama: Vazhdon kërkon shesh për përsheshin e LSI!
Pas reagimit të presidentit Ilir Meta lidhur me Dekretin presidencial të Greqisë për zgjerimin me 12 milje në Detin Jon, nuk ka vonuar kundërpërgjigja e Kryeministrit Edi Rama i cili vazhdon dhe bënë avokatinë e shtetit grek, për vendimet e të cilit zihet me Presidentin e Republikës së shtetit që drejton.
“Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!” thekson Edi Rama në reagimin e tij përmes rrjetit social Twitter duke përfshirë në avokatinë e tij për vendimet greke edhe ofendimet ndaj Ish-Presidentit të Republikës, Sali Berisha, Kryetarit të PD, Lulzim Basha, dhe Kryetares së LSI, Monika Kryemadhit:
“Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!”
Në fund, Kryeministri Edi Rama sot i thotë Likes se në atë zonë parimi i 12 miljeve është thjesht fizikisht i pamundur sipas Konventës, dhe vetë inicioi në vitin 2009 bërjen nul të Marrëveshjes së Greqisë në Gjykatën Kushtetuese, ku edhe parimi i 6 miljeve, fizikisht është i pamundur.
Gjithsesi, ky është Edi Rama dhe thotë:
“Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like!”
Ndryshe, pas vendimit të Greqisë për zgjerimin me 12 milje në Detin Jon, ka reaguar Presidenti i Republikës, Ilir Meta, duke e pranuar se deri në këto momente nuk ka marrë asnjë njoftim por duke e bërë të qartë se nuk do të lejoj për asnjë moment të cenohen interesat shtetërore dhe kombëtare.
