Dekreti i Presidentit/ Basha me Aleatët, Mediu: Diskutuam për…

Pas Dekretit të Presidentit për anulimine e datës së zgjedhjeve 30 Qershor Kryetari i Partisë Demokratike, Lulzim Basha zhvilloi një takim me Aleatët, takim pas të cilit Kryetari i Partisë Republikane, Fatmir Mediu, sqaroi se pjesë e axhendës do të vazhdon të jetë qëndresa qytetare deri në fund. për zgjedhje të lira e të ndershme.

“Pas këtyre zhvillimeve të rëndësishme për vendin, pas qëndrimit të Presidentit të Republikës, besoj që Basha,  në emër të opozitës, e ka shprehur qartësisht qëndrimin  e tij, angazhimin e  opozitës për zgjedhje të lira e të ndershme pa Ramën kryeministër. Ky është diskutimi që kemi bërë sot,” tha Fatmir Mediu duke shtuar:

“Qëndrimi ynë është i njëjtë me atë që zoti Basha ka mbajtur në konferencën për shtyp sot. Kjo ka qenë dhe mbetet pjesë e axhendës sonë. Qytetarët do të vazhdojnë qëndresën e tyre deri në fund për zgjedhje të lira e të ndershme.”