Dekreti i Presidentit/ Reagimi, BE: Situata politike të kapërcehet me dialog

Pas Dekretit të Presidentit për të anuluar datën e zgjedhjeve 30 Qershor, reagon edhe Brukseli zyrtar përmes Zëdhënëses së KE-së, Maja Kocijançiç, duke theksuar se kjo çështje duhet trajtuar nga institucionet shqiptare në përputhje me legjislacionin ekzistues.

“Ne po ndjekim zhvillimet. Kjo është një çështje për t’u trajtuar nga institucionet shqiptare në përputhje me legjislacionin dhe jurisprudencën ekzistuese, në respekt të plotë të parimeve kushtetuese dhe demokratike.

Siç është thënë tashmë, ne konsiderojmë se vendimi për heqjen dorë nga mandatet parlamentare dhe jo për të marrë pjesë në zgjedhjet lokale seriozisht pengojnë funksionimin e demokracisë në Shqipëri.

Kjo ka qenë një zgjedhje e qëllimshme e partive opozitare. Përfaqësuesit e opozitës janë zëvendësuar në Parlament, që funksionon plotësisht. Tani është thelbësore që të ruhet e drejta kushtetuese e qytetarëve shqiptarë për të votuar në zgjedhjet lokale dhe për të siguruar vazhdimësinë e qeverisjes lokale,” tha Koçijançiç për ABC News duke i bërë thirrje palëve që me dialog të kapërcejnë situatën:

“Ne përsërisim thirrjen tonë për të gjitha palët që të angazhohen urgjentisht në një dialog konstruktiv për të kapërcyer situatën aktuale politike.”