Dekreti i Presidentit/ Reagimi, DASH: Jemi duke ndjekur zhvillimet në Shqipëri

Pas Dekretit të Presidentit të Republikës për të anuluar datën e zgjedhjeve, 30 Qershorit, Departamenti i Shtetit shprehet se është duke ndjekur zhvillimet në Shqipëri dhe po mban kontakt me aktorët përkatës lidhur me ndikimet ligjore të Dekretit të presidentit.

Departamenti i Shtetit, thekson një zëdhënës i DASH, do të vazhdojë të ndjekë dhe vlerësojë situatën që është në zhvillim e sipër.

Lidhur me gjendjen politike në Shqipëri, zëdhënësi tha se qëndrimi i Washingtonit mbetet i njejtë, duke u bërë thirrje të gjitha palëve të shmangin konfrontimet dhe të bashkëpunojnë në mënyrë konstruktive për të ardhmen e Shqipërisë.

Partitë e opozitës, tha zëdhënësi, duhet të gjejnë një rrugë për të hapur dialogun me qeverinë rreth reformës elektorale./VOA/