Dekreti, Presidenti nxjerr në lirim Gjeneral Brigade Sandër Lleshajn

Presidenti Ilir Meta dekretoi sot nxjerrjen në lirim të oficerit me gradë madhore, Gjeneral Brigade Sandër Lleshaj.

Në këtë mënyrë Presidenti i hapi rrugë dekretimit të Sandër Lleshit si ministër të Brendshëm.

Kjo ishte edhe një nga arsyet që Meta nuk pranonte që Lleshi të dekretohej si Ministër Brendshëm duke e konsideruar atë një ushtarak ende aktiv, gjë që bie ndesh me kushtetutën.

Kërkesën për të lënë detyrat ushtarake e kishte bërë vetë Lleshi ndërkohë Ilir Meta dekretoj  propozimin e Ministrit të Mbrojtjes nr. 8210/1.

Sot e tutje Ilir Meta ka kërkesën e dytë të Edi Ramës për ta dekretuar Sandër Lleshin si ministër të Brendshëm.

DEKRET
PËR
NXJERRJEN NË LIRIM TË OFICERIT ME GRADË MADHORE

Në mbështetje të nenit 93, të Kushtetutës, të nenit 9, pika 3, shkronja “g”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar, të nenit 26 pika 1, shkronja “ç”, të ligjit nr. 59/2014 “Për karrierën ushtarake në Forcat e Armatosura të Republikës së Shqipërisë”, me propozim të Ministrit të Mbrojtjes nr. 8210/1 prot., datë 15.11.2018,

D e k r e t o j
Neni 1
Gjeneral Brigade Sandër Ndue Lleshaj, nxirret në lirim.
Neni 2
Ky dekret hyn në fuqi menjëherë.
Nr. i Dekretit 10955
Tiranë, më 16.11.2018