Delegacioni i PE dhe Opozita/ Reagimi, Edi Rama: Çfarë sikleti…
Pas sulmit të frikshëm që i bëri Delegacioni i PE opozitës, kryeministri normal i një vendi duhej të ishte në siklet. Por, kur Kryeministri quhet Edi Rama, ai gëzohet që Delegacioni i Parlamentit Evropian dhe Raportuesi i Shqipërisë pranë PE, Knut Fleckenstein, përtej mbështetjes qeveritare përdor një gjuhë fyese ndaj popullit që e qeverisë jo Fleckenstein dhe BE, por vetë kryeministri Edi Rama.
Pas përgjigjes që mori Delegacioni i PE nga opozita, Edi Rama përmes rrjetit social Twitter, duke e quajtur fyerjen e eurodeputetëve ndaj opozitës shqiptare, qëndrim, thekson se nuk ka ndjerë gëzim.
“Asnjë gëzim për qëndrimin e ashpër në bllok të europarlamentarëve kundër arratisë së opozitës parlamentare nga detyra dhe fusha e logjikës demokratike!
Çfarë sikleti kur mendon se sa më keq se sa thonë u duket atyre, kjo shfaqje brutale dritëshkurtësie ndaj njerëzve e vendit!”
Që është siklet pas gjithë kësaj fyerje që ofroi Raportuesi Fleckenstein me shokë, nuk e mohon njeri, por siklet më të madh se kur flet për “logjikën e demokracisë” Edi Rama, nuk mund të shkaktoj as Knut Fleckenstein i ndihmuar nga Federica Mogherini.
