Delirantët e Bashës marrin përgigje nga PS: Të hënën emri Presidentit me firma mbeshtetëse

Grupi i deputetëve të Lulzim Bashës kryesuar nga Enkelejd Alibeaj zbritën shumë shpejtë në tokë! Të dehur nga deliri i fitores së madhe që korrën me Taulant Ballën 21 deputetët e mbledhur me shumë mendime hapën thesin dhe propozuan plotë 10 kandidat për President të Republikës duke vazhduar të jenë të bindur se do të jenë ata që përcaktojnë emrin final dhe do të jetë Edi Rama me partinë e tij që do ta votoj.

Në këtë situatë Grupi Parlamentar i Partisë Socialist lëshoi një deklaratë në përpjekje për ti kthyer në tokë këra delirantë që për një fjalë goje të Taulant Ballës u bindën se Edi Rama do t’i bëjë aminin atij personi që ata i çojnë në tavolinë.

“Dy dite me pare kemi rene dakord qe ne raundin e dyte dhe te trete ne nuk do propozojme kandidat dhe i takon opozites te propozoje. Propozimi per President duhet te vije dhe me firma mbeshtetese nga opozita. Nese presidenti nuk zgjidhet ne keto dy raunde, ne raundin e katert do te propozojme ne. Takimi ka qene publik dhe kjo eshte dakordesuar ne prani te mediave,” thuhet në deklaratën e PS-së duke i bërë të qartë deputetëve fluturues se të hënën në Parlament do të votohet një emër i ardhur me firmat e të paktën 20 deputetëve të opozitës, siç e parashikon Kushtetuta.

Por krerët e këtij Grupi përmes një reagimi u munduan ti mbajnë në ajr deputetët e përbashkuar rreth ëndrrave të Lulzim Bashës duke i rikujtuar Taulant Ballës Pikën 4 të dokumentit të PD-së, për të cilën PS ka rënë dakord.

“Dakordësimi i PS me dokumentin e PD për propozimin dhe nënshkrimin e firmave për kandidatin për president e përcakton qartë se emri final që propozohet për raundin e dytë duhet të ketë mbështetjen e të gjitha palëve ose e thënë qartë do të bashkëpropozohet. Zoti Balla në takimin dypalësh në sy të gazetarëve dhe kamerave, ra dakord që të pranojë fiks siç është dokumentin e propozuar nga grupi i PD..

Në pikën 4 thuhet se “Një Komision i përbërë nga 6 anëtarë: 3 shumica parlamentare dhe 3 pakica parlamentare, shqyrtojnë 2 kandidatët e përzgjedhur dhe bien dakord për përzgjedhjen dhe propozimin e përbashkët të njërit prej kandidatëve. Kandidatura e përzgjedhur i nënshtrohet votimit në seancë plenare,” thekson në reagim Grupi duke i dhënë leksione drejtësoi partisë më të paligjshme në Evropë që e mbanë edhe vetë këtë Grup si parlamentar:

“Pra, tashmë PS ka veç një zgjedhje: të mbështesë me firma kandidaturën e propozuar nga opozita dhe dakordësuar në negociata mes palëve. Rruga tjetër është po ashtu vetëm një: Të bëjë atë që di të bëjë më mirë, të shkelë rregullat e dakordësuar prej saj. Këtë e përcakton qartë pika 6 e dokumentit të Grupit të PD:   Shkelja e njëanshme e rregullave të procedurës i njoftohet zyrtarisht shumicës parlamentare dhe publikohet menjëherë. Në rast të mosriparimit të shkeljes ose në rast të shkeljes së përsëritur të tyre, opozita parlamentare tërhiqet nga pjesëmarrja e mëtejshme në proces duke treguar publikisht edhe shkakun”.

Kështu, nga beteja juridike që ky Grup me ndihmën e Edi Ramës po mundohet ta fitoj ndaj Sali Berishës, ngatërroi për pak çaste dhe aftësinë që kanë për të luftuar duke ju kundërvënë edhe Taulant Ballës me procedura juridike duke harruar se ky njeri është i dërguari i Ramës dhe jo Berishës dhe nuk ka kush ti mbështes!

Ndryshe, sot në orën 16:00 ky Grup do të diskutoj për emrin që do ti propozoj Taulant Ballës për Presidentin e Republikës. Në garë kanë mbetur: Visar Zhiti, Princ Leka, Leonard Demi, Arben Çejku, Dritan Demiraj, Dashamir Shehi dhe Halim Kosova.