Demonstratat e vitit 1989, Kurti: U kundërshtua instalimi i regjimit kriminal të Serbisë!

Duke kujtuar deminstratat e 27 dhe 28 mars të vitit 1989, që u zhvilluan katër ditë pasi Serbia suprimoi autonominë Kosovës, Kryeministri Albin Kurti shprehet se policia serbe shtypi demonstratat paqësore të shqiptarëve, ku vetëm gjatë atyre dy ditëve u vranë 25 demonstrues dhe u plagosën 603 të tjerë ndërsa po kërkonin të drejtat e tyre politike, duke e kundërshtuar shtypjen politike dhe instalimin e regjimit diskriminues dhe kriminal të Serbisë.

“Mes kapitujve të historisë së shtypjes së shqiptarëve të Kosovës nga Serbia pushtuese dhe të rezistencës e kryengritjes së popullit të Kosovës për liri, sot i kujtojmë demonstratat popullore të vitit 1989, në 35-vjetorin e tyre,” shprehet Albin Kurti duke kujtuar demonstratat e 27 dhe 28 mars të vitit 1989.

“Policia e Serbisë i shtypi demonstratat paqësore të shqiptarëve gjithandej Kosovës, ku vetëm gjatë atyre dy ditëve u vranë 25 demonstrues dhe u plagosën 603 të tjerë. Ata po kërkonin të drejtat e tyre politike, duke e kundërshtuar shtypjen politike dhe instalimin e regjimit diskriminues dhe kriminal të Serbisë, që vetëm katër ditë më parë ia kishte suprimuar autonominë Kosovës,” thekson Kryeministri i Kosovës në reagimin e tij përmes rrjetit social Facebook ku në ditët që i pasuan këto demonstrata, 1200 demonstrues shqiptarë u burgosën pas gjyqesh politike ndërsa përfundon:

“Lavdi të rënëve në demonstratat e vitit 1989 mes të rënëve në rrugën e gjatë të popullit të Kosovës për liri!”