Dëmtimi i provave/ “Dako vazhdon të jetë i lirë”, Basha: Donika Prela dhe Arta Marku do të mbajnë përgjegjësi!

Vangjush Dako duhet të merret i pandehur. Kështu u e përsëritë kërkesën kryetari i Partisë Demokratike, Lulzim Basha, duke kërkuar urgjentisht një hetim të posaçëm dhe të pavarur, sot kur është e qartë për këdo se Edi Rama ka patur një plan të mirëmenduar e të shtrirë anembanë vendit, për bashkëpunim me krimin për të vjedhur zgjedhjet.

“Lënia e tij i lirë edhe pasi pranoi mbrëmë publikisht bashkëpunimin me bandat për të dhunuar zgjedhjet, është shkatërrim i demokracisë dhe vdekje e drejtësisë,” tha Lulzim Basha duke iu drejtuar dy zonjave që Edi Rama i la në dorë Prokurorinë për ta drejtuar:

“Dua t’i kujtoj Donika Prelës dhe Arta Markut se dëmtimi i provave dhe manipulimi i hetimeve për krimet elektorale të Dakos, Ballës, Gjiknurit, Tahirit e të tjerë, është veprim i rëndë kriminal për të cilën ato do të mbajnë shpejt përgjegjësi deri më një. Kur prokuroria mbron krimin, ka rënë shteti.”

Deklarata e kryetarit të Partisë Demokratike, Lulzim Basha:

Tashmë është e qartë për këdo se Edi Rama ka patur një plan të mirëmenduar e të shtrirë anembanë vendit, për bashkëpunim me krimin për të vjedhur zgjedhjet.

Duhet urgjentisht një hetim i posaçëm dhe i pavarur për këtë operacion kriminal.

Vangjush Dako është i pari që duhet të merret i pandehur.

Lënia e tij i lirë edhe pasi pranoi mbrëmë publikisht bashkëpunimin me bandat për të dhunuar zgjedhjet, është shkatërrim i demokracisë dhe vdekje e drejtësisë.

Dua t’i kujtoj Donika Prelës dhe Arta Markut se dëmtimi i provave dhe manipulimi i hetimeve për krimet elektorale të Dakos, Ballës, Gjiknurit, Tahirit e të tjerë, është veprim i rëndë kriminal për të cilën ato do të mbajnë shpejt përgjegjësi deri më një. Kur prokuroria mbron krimin, ka rënë shteti.