Denar Biba kundër Presidentit dhe Ministrisë Drejtësisë, mbledhë KQZ-në!

Edhe pse Dekreti i Presidentit pë anulimin e datës së zgjedhjeve, 30 Qershor, u publikua në Fletoren Zyrtare, pra hyri në fuqi, dhe dihet se Qendra e Botimeve Zyrtare është institucion në vartësi të Ministrisë së Drejtësisë, Denar Bibës kjo nuk i pengoi që të vazhdoj të rrah gjoksin si Nënkryetar i KQZ dhe të zbatoj paligjshmërinë e Edi Ramës duke vazhduar me mbledhjet e Komisionit Qendror të Zgjedhjeve me qëllim përgatitjen e zgjedhjeve të 30 Qershorit.

Meqë ky analfabet funksional gjithmonë citon pa lidhje ligje dhe nene, edhe kësaj radhe publikoi lajmin ndonëse edhe këtu në kundërshtim me Ligjin dhe pa lejen e Kryetarit të KQZ i cili i bindet Dekretit të Presidentit, se “Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”,  Nënkryetari Denar Biba, Anetaret; Bledar Skenderi, Edlira Jorgaqi dhe Rezarta Bitri kanë kërkuar thirrjen e mbledhjes,

Sot, me 12.06.2019, Ora 13:00, me rend dite:

1. “Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të datës 30 qershor 2019”.
2. “Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të datës 30 qershor 2019”.
3. ‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të datës 30 qershor 2019”.
4. “Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të datës 30 qershor 2019”.
5. “Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të datës 30 qershor 2019””, thuhet në njoftimin e KQZ.

Mirë që Denar Biba nuk e respekton Presidentin e Republikës se e ka me urdhër të Partisë kriminale, por nuk është e qartë pse nuk e respekton Ministrinë e Drejtësisë që drejtohet po ashtu nga Partia kriminale me në krye Edi Ramën.

Ky analfabeti funksional nuk ka se nga ta dijë, se nuk ia ka thënë Partia kriminale, por Qendra e Publikimeve Zyrtare (sot Qendra e Botimeve Zyrtare) u krijua me ligjin nr.8502, datë 30.6.1999 me mbështetjen e Këshillit të Europës dhe Bashkimit Europian.

Qendra e Botimeve Zyrtare është institucion në varësi të Ministrisë së Drejtësisë. Sot ajo rregullohet me ligjin nr. 78/2014 “Për organizimin dhe funksionimin e Qendrës së Botimeve Zyrtare” dhe akteve nënligjore në zbatim të tij.

Qendra e Botimeve Zyrtare ka si funksion publikimin e akteve normative në Fletoren Zyrtare dhe hyrjen e tyre në fuqi pas publikimt. Ajo publikon gjithashtu Buletinin e Njoftimeve Zyrtare, kodet dhe përmbledhjet e legjislacionit në fusha të ndryshme duke mundësuar aksesin e publikut në informacionin ligjor.

Këtë gjë bëri edhe me Dekretin e Presidentit dhe tani ai është në fuqi dhe jo siç thotë analfabeti funksional, i pavlefshëm.

Ndërkohë sa i përketë truprojave që tashmë i janë dhënë katër anëtarëve të KQZ-së së Edi Ramës sepse ndjehen të kërcënuar, kërcënimin duhet ta kërkojnë te Qendra e Botimeve Zyrtare përkatësisht Ministria e Drejtësisë së cilës nuk i respektohet Dekreti i Presidentit të cilin ajo e ka bërë të plotfuqishëm duke e pubikuar në Fletoren Zyrtare.