Dënim me vdekje në Evropë: Bjellorusi i preu bebit kokën, u dënua me pushkatim!

Bjellorusi 48-vjeçar është dënuar me vdekje për shkak të rrahjes dhe prerjes së kokës, një bebi 8-muajsh.

Viktar Sharhelin tani e pret dënimi me pushkatim sepse në prani të nënës së foshnjës, Natalija Kolb (26), e cila ishte mikesha e tij, në mënyrë mizore e vrau bebin Anna. Për këtë krim, Natalija është dënuar me 25 vjet burg, që është dhe dënimi më i rëndë në Bjellorusi për një femër, shkruan Daily Mail.

46 plagë në trupin e vogël

Kur u kthye në shtëpi me dy djemtë, i ati i vajzës 8-muajshe, Leonid Kolb, u përballë me një pamje të tmerrshme. Pa Viktarin dhe Natalijan duke pi raki ndërkohë vajza e tij ishte përmbytur në gjak, me kokë të prerë.

Ekspertiza mjeko-ligjore konstatoi se Annës 8-muajshe i ishin shkaktuar 46 plagë dhe kishte vdekur për shkak të therje me një thikë guzhine.

Ndryshe, Viktar Sharhelin do të ekzekutohet pasi të ketë rënë në gjunjë, me një të shtënë gjuajtje në pjesën e pasme të kokës. Kjo metodë ishte e popullarizuar me skuadrat e vdekjes së diktatorit sovjetik Stalin.

Më shumë se 400 burra janë ekzekutuar në Bjellorusi që kur vendi u bë i pavarur me rënien e Bashkimit Sovjetik në vitin 1991.