Dënohen protestuesit/ Reagimi, PD: Edi Rama duhej tërhequr zvarrë!

Kryetari i Grupit Parlamentar të PD-së,  Edmond Spaho, i cili së bashku me deputetët e PD ishte i pranishëm në seancën gjyqësore të vlerësimit të masës së sigurisë për 19 të arrestuarit pas protestës së 16 shkurtit, vendimin e gjykatës e quajti përpjekje për të dekurajuar protestën por që nuk do të funksionojë:

“Ky është një proces i mirëfilltë politik që më kujton gjyqet e diktaturës. Asnjë fakt dhe asnjë provë për atë që i akuzojnë, prishje të pronës publike, dhe prishje të qetësisë publike. Ndërkohë që është prishur vetëm kërpudha e kryeministrit. Në asnjë rast nuk pati konfrontim të qytetarëve me policinë. Këto janë përpjekje për të dekurajuar protestuesit por nuk do funksionojë.”

Ndërsa deputeti Enkelejd Alibeaj tha se Edi Rama duhej tërhequr zvarrë:

“Ai njeri duhet tërhequr zvarrë si u tërhoq i ati i vet”

Edmond Spaho me këtë rast bëri thirrje që të gjithë të jenë të enjten në protestë kundër Edi Ramës.