Dënohet Ish-Drejtori i Përgjithshëm i RTSH, Thoma Gëllçi, GJKKO: 1 vit e 4 muaj burg!

Gjykata e Posaçme për Korrupsionit dhe Krimit të Organizuar, GJKKO, ka dënuar me dy vite burg Ish-Drejtorin e Përgjithshëm të RTSH, Thoma Gëllçi.

Duke përfituar nga gjykimi i shkurtuar, Thoma Gëllçit i ulet kështu dënimi në 1 vit e 4 muaj burg.

Ndërkohë, për tre të akuzuarit e tjerë, anëtarë të Komisionit të Vlerësimit të Ofertave, Julian Tapia, Ervin Muraj dhe Alban Malaveci, GJKKO vendosi dënimin me nga një vit burg.

Gjithashtu, si dënim plotësues, Gjykata e Posaçme i hoqi Gëllçit dhe tre vartësve të tij të drejtën për të mos ushtruar funksione publike për 5 vite.

Thoma Gëllçi dhe tre punonjësit e tjerë të këtij institucioni u arrestuan nga SPAK, me dyshimin se kishin kryer shkelje ligjore në një proçedurë prokurimi, shkelje këto të kualifikuara në elementët e veprës penale “Shpërdorimi i detyrës”, parashikuar nga neni 248 i Kodit Penal”.

Sipas SPAK, Gëllçi dhe tre punonjësit e televizionit kanë abuzuar “Në proçedurën e prokurimit “Proçedurë e hapur”, me objekt “Blerje pajisje për kanalin RTSH Agro”, me nr. REF-90011-10-16-2018, me fond limit 86. 908 550, 00 lekë”.