Denoncimi, Berisha: Organizata kriminale në krye me Ramën, zbraz digat, shet dhe rishet në treg…
Duke denoncuar sot nga foltorja e Parlamentit, vjedhjen e energjisë, Kryetari i Partisë Demokratike, Sali Berisha, tha se banda kriminale që drejton energjinë, çdo verë zbraz digat duke shituar me 30-40 euro kilovatin e energjinë sekserëve të tyre, dhe ata më pas e rishesin në tregun rajonal dhe europian me pesëfishin e këtij çmimi, duke ndarë më pas paratë.
“Këtu kanë sjellë dhe diskutohet për një ligj për energji, ata të cilët e kanë shndërruar energjinë, kaskadën, në një mallkim për ju dhe e kanë realizuar këtë vetëm e vetëm duke vjedhur. Sjellin këtu një ligj qesharak ku zotohen se pas kaq vitesh do arrijnë një 54% të rinovueshme të energjisë.
Po ju edhe gjuhën e përdorni për të vjedhur Damian, edhe foljet i vendosni sipas xhepit. Dy vitet e fundit HEC private kanë prodhuar 58% të prodhimit të përgjithshëm. Organizata kriminale që drejton energjinë, çdo verë ka zbraz digat duke shituar me 30-40 euro energjinë sekserëve të tyre, dhe këta e rishesin në tregun rajonal dhe europian me 5-fishin dhe paratë o ndajnë me këta që shihni pas meje, me në krye Ramën. Vjedhje dhe vetëm vjedhje”, tha Sali Berisha ndërsa replikuar me ministrin e Drejtësisë, Ulsi Manja, duke e cilësuar intrigant.
“Jam këtu sot për të informuar qytetarët lidhur me Ahmetajn, i cili është vendosur nën hetim. Theksoj se ai është përgjegjës ndër më kryesorët në aferën e tmerrshme të djegëseve. Ka firmën në transferimin e fondit të emergjencës në djegësin e Elbasanit dhe të Fierit. Ahmetaj ka qenë i lidhur me Zoton. Kryeautori i djegëseve është një: Edi Rama.
Afera 700 mln apo afera e djegësit të Tiranës s’mund të realizohej me insistimin e Ahmetajt. Ai në daljen e tij të fundit u shpreh se qeverinë nuk mund ta lëvizja unë. Kurrë një ministër nuk lëviz dot qeverinë, por e lëviz një kryeministër, ai ngarkon punonjësit e Këshillit të ministrave. Ai firmosi 17 shkresa në 24 orë,” tha Kryetari i Partisë Demokratike duke konstatuar se Arben Ahmeteaj ka përgjegjësi të plotë sepse në Inspektoratin e tij financiar nuk mbikëqyri financimet.
“Tani thotë: Follow the many. Tani jep këshilla pasi iu kujtuan. Rama është përgjegjësi numër një. Ai është autori i firmës pasi Enti Kombëtar i Prokurimeve i tha; kjo procedurë është antiligjore. Ai i dha vlerësimin 8 pikë në një kohë kur nuk ekzistonte inceneratori.
Një ministre e parlamentit shkruante se kjo kompani nuk ekziston dhe me këtë shkresë Rama u njoftonte. Kompania u hap në 2018-ën. Në eko-parkun e Porto Romanos, sekserët e Ramës kishin krijuar kompani për të 6 muaj para se ta shpallte publikisht se i kishte lindur ideja për një eko-park. Thjeshtra e Edi Ramës në kompanie ishte përfituese e Eko-parkut. Thjeshtra në kompaninë IRI është fituese e tenderit bashkë me kompaninë Fendandes për rindërtimin e muzeut. Po ti mo ministër Drejtësie ça bën që firmos çdo firmë të tij? Ka pasur dhe ministra që nuk e firmosin. Ka pasur nga ata që s’kanë firmosur. Shkove dhe arrestove Lefterin për t’i bërë qefin Belindës, o intrigant. Se ajo është bërë kryeministër. Këto i di gjithë Dibra,” tha Kryetari i Partisë Demokratike, Sali Berisha, nga foltorja e Parlamentit duke përfunduar:
“Për Ahmetaj kam vetëm një thirrje, i them bëhu i penduar i drejtësisë dhe zbërthe organizatën kriminale, ke vetëm një rrugë, ke vjedhur për të vjedhur ti, por bëhu i penduar i drejtësisë. Po, po, dhe ti ke qenë në Petersburg, se kur të thash që je përfaqësues i rusëve në ekonomi fillove po turfullon, do të them data dhe të takimet që ke bërë.”
