Denoncimi, Berisha: Rama e ka dërguar Veliajn në qeli në Durrës që t’i çojë Pojën për t’i mbyllur gojën

Pas masës së sigurisë “arrest me burg” që dha GJKKO për Kryetarin e Bashkisë Tiranë, Erion Veliaj, dhe vendosi ta dërgoj në burgun e Durrësit, Kryetari i Partisë Demokratike, Sali Berisha, ka treguar dhe arsyen pse ai është dërguar në qelinë e këtij burgu dhe kush do t’ja mbyllë gojën.

“Unë nuk kam parë asnjë militant të PS, kam parë vetëm policët dhe rrogëtarët e bashkisë, çka është absolutisht e dënueshme.
Protesta e demokratëve, ajo është një konferencë shtypi që bëj unë aty, unë bëj një konferencë shtypi aty, kurse ky dërgoi policinë bashkiake, e dënueshme në ligj dhe çdo gjë.
Ata rrethuan, të armatosur disa prej tyre, rrethuan Skrapin që po të merrnin urdhër,” tha sot Sali Berisha duke thënë dhe faktin më tronditës:
“Tronditëse është fakti se ka dërguar në qeli në Durrës dhe do i dërgojë Pojën që t’ia mbyllë gojën.
Pra, funksionon me një kod mafioz të tmerrshëm.
Tani kam këtu të dhëna të tjera të tmerrshme, sepse duket se Velica ka bërë garë me Lajla Asadin.
Ju e morët vesh që 1 milion euro e kishte garderobën, fustanet e shoqja e Asadit, Lajla. Ia numëruan kur shkoi në Moskë.
Kurse 867 mijë euro del kjo e Erion Veliajt.
Megjithatë mund t’u them se qindra e qindra artikuj janë përjashtuar nga Skrapi, se ankohen…
Do shihni ju sa janë përjashtuar që nuk janë regjistruar aty fare.”

Ndryshe, dje GjKKO mori vendim që Kryetarin e Bashkisë Tiranë, Erion Veliaj, që ta lë në burg, ndërsa për bashkëshorten e Veliajt, Ajola Xoxa, ndryshoi masën e sigurisë nga “arrest shtëpie” në “detyrim paraqitje” të premten e parë dhe të tretë të çdo muaji, në ora 11:00. Për 5 shërbëtorët e Erion Veliajt miqë të Kryeministrit që njihen si biznesmenë ndërtues, GJKKO la gjithashtu masat ekzistuese, për Elman Albulen “arrest me burg”, ndërsa për Gentjan Sula, Meriman Palushi, Fatmir Bektashi e Shkelqim Fusha, “detyrim paraqitje”