Denoncimi i Ish-Presidentit, Policia konfirmon vdekjen e një shtetasi por…

Pas denoncimit të Ish-Presidentit Sali Berisha, lidhur me vdekjen e një burri rreth 50 vjeç, tre ditë pasi u dërgua në spital, Policia e Vlorës reagon duke konfirmuar vdekjen dhe sqaron rrethanat e këtij rasti, por nuk sqaron se pse ky rast u mbajtë i fshehur, siç thekson Ish-Presidenti në denoncimin e tij.

Në lidhje statusin e publikuar nga z.Berisha në rrjetet sociale sqarojmë se:

Më datë 12.05.2019, në “Sheshin e Flamurit” është gjetur i shtrirë në tokë (nën efektin e pijeve alkoolike) shtetasi A.D., 47 vjeç, banues në Vlorë, me frakturë në kokë.

Nga kqyrja paraprake në trupin e tij nuk janë vërejtur shenja dhune apo dëmtime të tjera përveç frakturës që ka marrë në kokë, dyshohet për shkak të rrëzimit.

Ky shtetas ka ndërruar jetë 3 ditë më vonë në Spital dhe sipas aktit të ekspertizës rezultuan se vdekja ka ardhur për shkak të hemoragjisë cerebrale në kokë.

Policia i ka referuar materialet në Prokurorinë pranë Gjykatës së Shkallës së Parë Vlorë për veprime të mëtejshme.