Denoncimi i PD, Ministria e Financave përgënjeshtron lidhjen me Edmond Begon
Pas denoncimit nga Partia Demokratike, për privatizimin e zonës së ish-Serës në vitin 2016 firmosur Arben Ahmetaj, kur është favorizuar biznesmeni Edmond Bego, Ministrja e Financave dhe Ekonomisë reagon duke u shprehur e gatshme për të vënë në dispozicion dokumentet që provojnë se fituesi i vërtetë nuk është Edmond Bego, siç është shprehur PD por trashëgimtarët Pinari.
Përfaqësuesi i kësaj ministrie, Endri Duçka në një dalje për media tha se nuk është firmosur asnjë dokument që zbulon përfshirjen me Edmond Begon.
“Ky është dokumenti i firmosur nga këshilltari i Këshillit të Ministrave, i cili i ka hapur procedurë legalizimi në vitin 2007. Dëshiroj të ndalem në dy elementë që sqarojnë pozicionin e Ministrisë së Financave në këtë objekt.
Në asnjë rast ministria e financave nuk ka firmosur asnjë dokument me Edmond Begon. Në asnjë rast ministria e Financave nuk ka asnjë dokument që nxjerr fitues këtë person.
Ministria ka favorizuar kalimin e serave në pronësi të trashëgimtarëve Hamdi Pinari. Pagesa është kryer nga trashëgimtarët Pinari. Media është e ftuar për më shumë detaje dhe verifikime pranë Ministrisë së Financave për të gjithë objektet”, deklaron ministria e Financave.
