Denoncimi/ Rama përuron shkollën në Sukth, PD: Ja rruga që të çon tek shkolla!

Pas vizitës së Kryeministrit Edi Rama në zonën e Sukthit ku përuroi dhe shkollën “Nijazi Mastori” ka reaguar Partia Demokratike duke sjellë dhe dëshmi mbi gjendjen e përmbytur të rrugës që të çon tek shkolla.

“Pak minuta më parë, Edi Rama ishte në Sukth për inaugurimin e shkollës “Njazi Mastori”. Ai do të japë shfaqjen e radhës së propagandës dhe do të fshehë realitetin 100 metra larg shkollës. Rruga që të çon tek shkolla është totalisht e përmbytur,” thekson Partia Demokratike në reagimin e saj duke sjellë dhe pamjet e rrugës ku Edi Rama kaloi me fuoristradë për të shkuar tek shkolla:

Sa herë bie shi, thekson PD, del në pah dështimi i Edi Ramës për t’u siguruar qytetarëve kushtet minimale të jetesës.

“Edi Rama është një dështim. Ai ka 7 vjet që vetëm dështon me shqiptarët dhe do të vazhdojë vetëm të dështojë, prandaj duhet të largohet nga detyra që mban,” konstaton Partia Demokratike në reagimin e saj përmes rrjetit social Facebook duke përfunduar:

Kupa është mbushur. Partia Demokratike me Lulzim Bashën do t’i kthejë shpresën dhe do t’i sjellë vendit një të ardhme të mbarë.