Deportohet në Francë një person lidhur me sulmin në Charlie Hebdo

Një person është deportuar nga Gibuti për në Francë, në lidhje me sulmin e vitit 2015 ndaj revistës satirike Charlie Hebdo, kanë njoftuar autoritetet franceze.

Zyra e Prokurorit në Paris tha se Peter Cherif është dëbuar për në Francë, pasi së fundmi ishte arrestuar në Gibut. Ndaj tij janë ngritur akuza lidhur me sulmin e vitit 2015, raporton RFE.

Cherif besohet se ka qenë në kontakt me dy vëllezërit që kanë kryer sulmin ndaj punonjësve të Charlie Hebdo.

Ministria e Mbrojtjes së Francës tha se Cherif ka luajtur “rol të rëndësishëm në organizimin” e sulmit ndaj Charlie Habdo, ku u vranë 12 persona.

Cherif raportohet të ketë udhëtuar në Irak dhe Siri në fillim të viteve 2000 dhe ka qenë në arrati nga autoritetet franceze që prej vitit 2011.