Deputetët e akuzuar/ Pas kallëzimit penal, Alibeaj: Ja prova, të hetohet!
Pas njoftimit zyrtar përmes mediave në shërbim të Edi Ramës, se 6 Ish-Deputetë të opozitës janë proceduar nga Prokuroria e Rrethit Gjyqësor Tiranë, sot deputetër opozitar janë paraqitur në Prokurori ku kanë bërë dhe kallëzim penal.
Në respekt të Ligjit, Flamur Noka, Enkelejd Alibeaj, Gent Strazimi, Klevis Balliu, Xhemal Gjunkshi dhe Anton Frrokaj, pasi u paraqitën në Prokurori dhe bënë edhe kallëzimin penal, sqaruan:
“Për të sqaruar juve dhe opinion publik sot në orën e caktuar së bashku me kolegët duhet të paraqiteshim në cilësinë e të pandehurit. Në respekt të ligjit, jo të këtyrë njerëzve, e ndjejmë të nevojshme që respekti i ligjit është për të respektuar zyrat e shtetit. Të jenë akte të vlefshme. Ju e morët vesh më përpara që ishim në procedim, ndërkohë që nuk dimë asgjë se çfarë materialesh ka policia. Për të dalë të vërtetën ia çova prokurorit kallëzimin penal, janë të gjitha deklarimet,” tha Enkelejd Alibeaj duke shtuar:
Jo vetëm kaq, i thashë do gjesh çdo lloj deklarimi, i kërkova që ky akt që është kallëzimi penal i bërë nga ne do të duhet të hetohet. Është detyra jonë të respektojmë ligjin të japim fakte për të dalë e vërteta. Por në fakt nuk është bërë asnjë gjë. Nuk është hetuar aspak. Ja ku është prova që po të donin mund ti kishin marrë, hetuar dhe nxjerrë konkluzione (tregon fotografinë ku drejtuesit e policisë kapen duke konsumuar alkool). Duhet të merreshin edhe këto dokumenta. Për të hetuar alkoolin, epshet e tyre, kjo është situata dhe gjendja midis prokurorisë së re të rilindur dhe policisë së kapur të diktaturës,” tha Ish-Deputeti i PD, Enkelejd Alibeaj, duke publikuar edhe fakte të reja:
Nënkryetari i Komisionit Parlamentar të Sigurisë, Enkelejd Alibeaj, në momentin kur po akuzohej sqaroi pas daljes nga Prokuroria se e kanë për detyrë të kontribojmë më fakte dhe me prova në shërbim të të vërtetës, në mënyrë që kjo të mos jetë fytyra e vërtetë e Shqipërisë, ndërsa përfundoi:
“Shqiptarët duhet që me datë 2 Qershor, dy duart për një kokë janë përpara kryeministrisë për të nxjerr nga zyra atë që e ka dërguar vendin në këtë gjendje.”
Ndryshe, Prokuroria e Rrethit Gjyqësor Tiranë ka proceduar 6 Ish-Deputetët për veprën penale të kundërshtimit të punonjësit të policisë, ngjarje kjo e ndodhur më datën 16 shkurt. Dje deputetët e akuzuar kanë sqaruar për atë se çfarë ka ndodhur realisht se kush është dhunuar natën e 16 Shkurtit dhe sot janë paraqitur në Prokurori ku kanë bërë dhe kallëzim penal.
