Deputetët e Bashës nuk zhgënjyen Ramën, të shtunën Shqipëria me President socialist

Konferenca e Kryetarëve ku pritej të caktohej data e seancës plenare për raundin e katërt të zgjedhjes së Presidentit të Republikës filloi me një sherr të stisur që sajuan deputetët e Lulzim Bashës të kryesuar nga Enkelejd Alibeaj, por nuk ka më shqiptarë në glob që nuk e ka kuptuar se ata me Partinë Socialiste të Edi Ramës janë një Ndërmarrje!

Dhe, pas “sherrit”, kjo Ndërmarrje vendosi që shqiptarët ti bëjë të shtunën me një President socialist të Republikës, ashtu siç e kishte premtuar Kryeministri dhe Kryetari i PS, Edi Rama!

Kështu, të premtën në orën 17:00 Kryesia e PS do të zyrtarizoi emrin e Presidentit të Republikës, për ta dorëzuar atë mëngjesin e së shtunës, i cili do të votohet në seancë plenare në orën 18:00.

Ndërsa Konferenca e Kryetarëve u krye me sukses duke mos miratuar kërkesën për ngritjen e Komisionit Hetimor mbi Investitorët Strategjikë, i cili herën e parë nuk u miratua sepse nuk kishte firmat e duhura, sot që deputetët e Bashës kishin firmat nuk e kishin lexuar rregulloren. Këtë ua kujtoi kreu i Grupit PS, Taulant Balla, pasi rrëzuan kërkesën: 

“Firma e një deputeti vlen vetëm për një dokument, jo të merret nga njëri dokument në tjetrin.Nuk mund të marrësh një kërkesë të rrëzuar dhe ti thërresësh prapë me një numër të ri protokolli. Firma e një deputeti, zyrtari, një qytetari vlen vetëm për një dokument. Ç’tju them. Nuk di çfarë përgjigje t’ju jap. Dëshira jonë është e madhe për të diskutuar dhe për të dhënë mundësinë e cdo lloj mekanizmi të kontrollit parlamentar.”