Deputetët e “Gojores” në sprovë, sot votohet hetuesi i Sigurimit për Gjykatë Kushtetuese!
Sot seanca plenare e Parlamentit të Shqipërisë me 23 Pika të rendit të ditës ka tre Pika të rëndësishme që lidhen me veprimtarinë kriminale të Sigurimit të Shtetit, organizatë kjo që aktualisht po qeverisë këtë vend: Pika 17. Zgjedhja e Kryetarit të Autoritetit për Informimin mbi Dokumentet e Ish-Sigurimit të shtetit, dhe Pika 21. Emërimi i një anëtari të Gjykatës Kushtetuese, nga votimi i të cilit, ose thënë shqip, PAZARI, varet votimi i Pikës 22. Zgjedhja e Avokatit të Popullit.
Për Pikën 17. Sigurimi i Shtetit ka kohë që po punon sepse nuk është i kënaqur që në krye të Autoritetit për Informimin mbi Dokumentet e Ish-Sigurimit të shtetit është vetëm një person socialist, pasi ka dhe personin më luajal dhe pjesë e kësaj organizate kriminale, që fillimisht futi hundët në organin drejtues si propozim i LSI-së së Ilir Metës dhe tani vazhdon veprimtarinë si propozim i PS!
Në Pikën 21 cirku është më kompleks! Njëri prej kandidatëve që do të votohet sot për anëtar të Gjykatës Kushtetuese ishte hetues i Sigurimit të Shtetit dhe sot është i preferuari i Kryeministrit dhe jo vetëm, por kjo nuk i mjafton pasi i duhen tre te pestat e deputetëve që mazhoranca zyrtarisht nuk i ka!
Meqë deputetët e “Foltores” janë shprehur qartë dhe me kohë se çfarë mendojnë për Ardian Dvoranin, mbetet për tu parë votimi i atyre që me zë të lartë veten e konsiderojnë antikomunistë dhe Edi Rama për shkak të mënyrës se si funksionojnë, i pagëzoi si deputetë të “Gojores”; Deputetë, që sot do përballen me një kleçkë politike jo të vogël!
Deputetët e “Gojores”, që përqafuan me plotë dashuri vendimin e Sekretarit amerikan të Shtetit, Anthony Blinken, për shpalljen e liderit historik të Partisë Demokratike, Sali Berisha, NON GRATA, duke e pëjashtuar Berishën dhe nga çdo qelizë e mundshme e PD, sot kanë përballë për ta votuar njeriun i cili po nga ky Blinken u shpall kampion i luftës kundër korrupsionit!
Në rastin e parë, “Gojorja” dhe lideri i saj Lulzim Basha e arsyetuan vendimin se në mes të SHBA dhe Berishës zgjedhin, Shtetet e Bashkuara!
Të shohim se si do të veprojnë sot, a do të përcaktohen sërish për SHBA, pra, hetuesin famëkeq të Sigurimit, Ardian Dvorani, pavarësisht që nxorën dje një njeri me zë të hollë për të thënë se Gjykata Kushtetuese nuk mund të jetë kurrë seksion i Partisë Socialiste dhe se kandidatura e Ardian Dvoranit është e papranueshme për çdo opozitar!
