Deputetët e PDK, LDK, AAK dhe Listës Srpska refuzojnë konstituimin e Parlamentit të Kosovës

Në përpjekjen e 12-të sërish me vetëm 56 vota për dhe një kundër, tashmë është e qartë se deputetët e PDK, LDK, AAK dhe Listës Srpska refuzojnë konstituimin e Parlamentit të Kosovës duke refuzuar dhe respektimin e Vendimit të Gjykatës Kushtetuese që detyron këtë bandë antishtet të votoj pavarësisht nëse kjo votë do të jetë për, kundër ose abstenim!

Por, jo, ata nuk vijnë në seancë për konstituimin e Parlamentit të Kosovës, por për të pritur konstatimin e kryesuesit se seanca dështoi, dhe për të dalë me vrap për të akuzuar hatanë “Albin Kurti”!

Zhbllokimi i kësaj situate nuk dihet se kur do të ndodh, por ky lidership politik që nuk ka menduar kurrë me kokën e vetë natyrisht se pret një ndërhyrje nga jashtë për të ulur kokën dhe për t’i hap rrugën numërimit të ditëve të fituesit të zgjedhjeve, Albin Kurtit, nëse është i aftë të arrijë të formoj një koalicion për krijimin e qeverisë.

Deri te kjo telefonatë nga jashtë, kryesuesi i seancës Avni Dehari do të vazhdoj numërimin e atyre që janë prezent në seancë, atyre që votojnë dhe të jap kumtin se seanca vazhdon pas 48 orëve.

Ndryshe, seanca vazhdon më 9 maj në ora 10:00!