Deputetët e turbullirave të Bashës, kur nuk kanë kuorum kërkojnë President antikomunist!
Lojën me procedura Lulzim Basha e aplikon edhe me 21 deputetët që vazhdojnë ta mbështesin në Grupin Parlamentar ndonëse dështoi për herë të dytë të bëjë kuorumin për ta mbajtur mbledhjen dhe në këto rrethana, pasi nëpërkëmbi për 8 vjet antikomunistët, sot i jep urdhër deputetëve të miratojnë draftin dhe të kërkojnë president antikomunist, me idenë se kështu turbullon shumë mendje demokrate ndërsa ai vazhdon të bashkëqeverisë me Edi Ramën .
“Lidhur me draftin do bëj disa sqarime. Ai është një draft që ka sintetizuar sugjerimet e secilit deputet. Është e udhës për këdo që të ketë mundësinë, kohën për të studiuar çështjen dhe për të dhënë sugjerimet. Ajo që unë e kam thënë në titull personal dhe deputetët e thanë fort. Kjo mazhorancë nuk ka legjitimitetin për të vendosur për presidentin e republikës, ka tre deputetë non grata, ka dy deputetë pas hekurave, ka raportin e DASH,” tha Enkelejd Alibeaj duke vazhduar të jetë i bindur se ka kuorumin edhe kur ka, siç thotë, 22 deputetë në mbledhje, pa e kuptuar se vetëm kur nuk ka kuorum komunistët e Kunatit kërkojnë antikomunist ndryshe nga studiot televizive ku theksojnë se ky Grup mbështetë Neritan Cekën, gjithsesi ndjen kënaqësi:
“Këtu ndjej edhe një kënaqësi personale. Ata që ishin aty kanë një kusht të panegociueshëm. Presidenti i Republikës i Shqipërisë duhet të jetë një antikomunist. Ky vend pas 30 vitesh nëpërkëmbje, duhet së pari të japë një shenjë të fortë energjike që presidentin ta ketë anti komunist. Kjo është çështja që ka turbulluar shumë mendje”, tha Alibeaj duke sqaruar se këtë draft nuk e çon nesër para socialisteve:
“Jo. Nëse nuk është negociatë, nesër është konferenca e kryetarëve, ku kryetari i grupit parlamentar merr pjesë. Nesër ka thjesht konferencë kryetarësh. Nuk ka lidhje për negociatë. Negociata do ketë me aleatët. Nesër shkoj në konferencën e kryetareve së bashku me anëtarët, Gjakmarkaj, Duma, Mediu dhe Doda dhe zonja tabaku që për momentin nuk ndodhet këtu.”
Ndryshe, edhe pse Nënkryetari i Grupit Parlamentar, Ervin Salianji e konfirmoi se mbledhja nuk mund të zhvillohet sepse nuk ka kuorum i rikujtojmë Grupit të Bashës se Grupi Parlamentar i PD zyrtarisht numëron 44 deputetë, u turbullua apo nuk u turbullua mileti, Lulzim Basha e edhe vetë Sali Berisha siç e urojnë 21 trimat e Kunatit në shërbim të EdI Ramës!
Nëse kësaj pakice të Grupit që mbledhet rreth Alibeajt me 21 deputetë, i shtojmë dhe faktin se Basha mund të mos i ketë thënë Alibeajt se 5 deputetë, Ilda Dhori, Andia Ulliri, Seladin Jakupllari, Merita Bakiu dhe Emilja Koliqi i janë dhënë hua dy grupeve tjera parlamentare, atëherë me 16 deputetë del qesharak se nuk është vetëm ai që Gazmend Bardhi i thotë se është Kryetar!
