Deputetëve të Bashës, Balla: Faleminderit për vlerësimin që vazhdoni t’i bëni patronazhistëve!
Pas ofendimeve dhe fjalëve të pakuptimta të Kryeministrit Edi Rama në adresë të deputetëve të Lulzim Basha, ishte dhe Kryetari i Grupit Parlamentar të PS, Taulant Balla, që u tall me këta deputetë të cilët si para zgjedhjeve parlamentar të 25 Prillit 2021 kur u zbuluan patronazhistët, ashtu dhe sot kur në seancë plenare raportoi Komisioneri për të Drejtat e Informimit, heshtën!
“Është kërkuar sipas nenit 103 debat për Raportimin e Komisionerit për të Drejtat e Informimit. Zoti Dervishi ishte në sallë. Ishte kërkuar debati. Dhe jo pa qëllim Kuvendi i Shqipërisë në shumë vite me radhë ka operuar në momentin e paraqitjes së raportit me pyetje-përgjigje. Pyetje nuk kishte edhe pse ishte kërkuar seancë.
E vlerësoj përpjekjen tuaj që u munduat të tërhiqni vëmendje. Në rastin në fjalë po flisnim për raportin e komisionerit dhe këtu një deputete që i ka marrë me radhë të gjitha komisionet, asnjë s’ka lënë dhe i ka marrë të gjitha përgjigjet atje, në momentin që hyri në një çështje tjetër, duhet ndërprerë. Meqë kemi 30 raportime në javët në vijim, le të vendosim një rregull, të respektojmë rregulloren,” tha Taulant Balla duke përfunduar:
“Shumë faleminderit dhe opozitës për vlerësimin që vazhdoni t’i bëni patronazhistëve, ata janë aty, janë gati dhe po presin vitin e ardhshëm që t’ju mundim prapë sa herë të na dilni para.”
Ndryshe, është e qartë se gjithçka që nuk është produkt i Sali Berishës, për deputetët e Lulzim Bashës është e mirë dhe ky vlerësim nuk ndryshoi as për patronazhistët, por nuk është e qartë se si proamerikan të thekur, që thonë se janë, pse nuk reaguan ndaj një fenomeni që u kritikua edhe në Raporton e fundit të DASH!
