Deputeti socialist acarohet me turizmin e rilindur të Edi Ramës: Turp!

Deputeti i Partisë Socialiste në Lezhë, Pjerin Ndreu është acaruar me turizmin e Edi Ramës edhe pse shefi i tij thoë se i ngjanë turizmit kroat, madje kërcënon me protesta.

Deputeti socialist nuk e shijon turizmin e rilindur në zonë e Tales në Lezhë kur ai është lënë 4 orë pa drita në kulmin e sezonit.

“S’më intereson aspak se kujt partie i perkasin, por cfare zullumesh bejne ne dem te sezonit turistik ! Turp!”

Pas këtij reagimi të deputetit të zonës së Tales, burime brenda Rilindjes theksojnë se kryeministri u shqetësua shumë, madje kishte ndërprerë edhe leximin e një libri që po shijonte në bregdet,,,

Reagimi i plotë i Pjerin Ndreut:

Të lësh zonën turistike të Tales 4 ore pa drita në kulmin e sezonit turistik është kulmi i paaftësise dhe talljes që strukturat e ç’akorduara të OSHE bëjnë.

Ca pseudoreforma me shpikje banale kanë futur në qorrsokak menaxhimin e situatës. Si deputet zone kërkoj ndërhyrje të menjëhershme ose do mbledh bizneset e asaj zone duke u vënë ne krye të një proteste qe nuk do jetë e lehtë për gjitha ata qe e gatuajnë këtë katrahure turpi.

S’më intereson aspak se kujt partie i perkasin, por cfare zullumesh bejne ne dem te sezonit turistik ! Turp!