Deputeti ukrainas: Beteja për Kievin, Stalingradi i ri rus

Beteja për kryeqytetin e Ukrainës, Kiev, mund të jetë Stalingradi i ri rus, tha deputeti ukrainas për BBC.

Deputeti më i ri ukrainas dhe Ish-Këshilltari i Presidentit Zelenskyi, Svjatoslav Jurah, i cili po ndihmon në mbrojtjen vullnetare të Kievit, tha se kryeqyteti u përballë gjatë natës me një breshëri raketash ruse, ndërsa luftimet vazhdojnë në periferi të qytetit.

Por, Jurah tërheq vërjetjen se Rusia duhet të përgatitet për humbje të mëdha nëse sulmon qytetin.

“Ky është një qytet i madh me miliona banorë dhe nëse rusët tentojnë të futen do të përballen me një luftë, ky do të jetë Stalingradi i tyre,” tha deputeti ukrainas, Svjatoslav Jurah, duke ju referuar betejës më të përgjakshme të Luftës së Dytë Botërore ku humbën jetën 1.1 milionë ushtarë sovjetik dhe 800.000 nazistë gjerman dhe ushtarë rumunë.

“Askush nuk do të dorëzohet, këtë ju garantoj definitivisht,” tha Svjatoslav Jurah duke shtuar se ka koordinuar furnizmin duke përfshirë edhe thasët me rërë, si dhe ka biseduar me të gjitha njësitet ushtarake në mënyrë që jenë efikas në betejën që po vjen.

Ndryshe, Ministria e Mbrojtjes e Mbretërisë së Bashkuar sot raporton se forcat e përqëndruara tokësore ruse aktualisht janë 25 kilometra nga kryeqyteti i Ukrainës, Kiev.

“Luftimet në veriperëndim të Kievit vazhdojnë me ndihmën e forcave tokësore ruse në rreth 25 kilometra nga kryeqyteti,” raporton CNN duke cituar ministrinë e Mbrojtjes duke përfunduar:

“Autokolonat ruse janë shpërndarë në veri të Kievit. Kjo me siguri se do të mbështes përpjekjen ruse për të rrethuar qytetin. Kjo mund të jetë edhe përpjekje ruse për të minimizuar cenimin e forcave ruse ndaj kundërsulmeve ukrainase, që i kanë marrë haraç të konsiderueshëm Ushtrisë së Rusisë.”