Dëshmi/ Spartak Braho akuzon, Tufa: Deputeti, gjyqtari që dha dënime me vdekje!

Drejtori i Institutit të Studimeve për Krimet dhe Pasojat e Komunizmit, Agron Tufa, ka sjell sot dëshmi se kush është deputeti i Partisë Socialiste, Spartak Braho i cili akuzon këtë Institut dhe titullarin e saj Tufa, se me zbulimin  e krimeve të komunizmit po bëjnë “nxirje të luftës, heronjëve dhe dëshmorëve” .

“Gjyqtari i Kolegjit Ushtarak të PPSH, sot deputeti Spartak Braho, që kanoset nga salla e Kuvendit pluralist për prerje kokash, ka dhënë dhe dënime kapitale me Vdekje,“ thekson Agron Tufa përmes një postimi në rrjetin social Facebook duke duke sjellë dhe Dokumentin, një nga disa dënime me vdekje që ka dhënë deputeti Braho kur ushtronte drejtësinë enveriste:

“Shihet qartë se sa i politizuar bëhej akti i dënimit (jopolitik) me vdekje.

Referenca dhe pasqyra e llogarisë është Komiteti i Partisë së rrethit, ndërsa për të denuarin me vdekje sajohen demonizime, sikur stërvitej për të vrarë kuadrot e ushtrisë. Kjo, si duket, akordohet në një linjë nxirjeje të të dënuarit me vdekje, i cili, si person, sipas Brahos:
a) nuk është i denjë për të jetuar, si i rrezikshëm;
b) nuk është i denjë për keqardhje e mëshirë, se vjen nga familje e deklasuar që ka “strehuar kriminelë” me 1948 dhe ka të dënuar politikë, dmth, familje antikomuniste.

Ndryshe, deputeti i Partisë Socialiste, Spartak Braho duke akuzuar  në Komisionin Parlamentar të Sigurisë, Drejtorin e Institutit të Studimeve për Krimet dhe Pasojat e Komunizmit, Agron Tufa, zbulimin  e krimeve të komunizmit nga ky Institut e konsideron “nxirje të luftës, heronjëve dhe dëshmorëve” ndërsa vetë Institutin “seksion të Ballit Kombëtar”, ndërsa kërkon “shkarkimin e Agron Tufës derisa t’i thërrasë mendjes e të jetë më i ekuilibruar në veprimtarinë e tij.”

Ja postimi i plotë:

Gjyqtari i Kolegjit Ushtarak të PPSH, sot deputeti Spartak Braho, që kanoset nga salla e Kuvendit pluralist per prerje kokash, ka dhene dhe denime kapitale me Vdekje. Në dokumentin e meposhtëm, (një nga disa dënime me vdekje qe ka dhene deputeti Braho kur ushtronte drejtesine enveriste), shihet qarte se sa i politizuar behej akti i denimit (jopolitik) me vdekje. Referenca dhe pasqyra e llogarise eshte Komiteti i Partisë së rrethit, ndersa per te denuarin me vdekje sajohen demonizime, sikur stervitej per te vrare kuadrot e ushtrise. Kjo, si duket, akordohet ne një linjë nxirjeje të të dënuarit me vdekje, i cili, si person, sipas Brahos:
a) nuk është i denjë për të jetuar, si i rrezikshem;
b) nuk është i denjë për keqardhje e mëshirë, se vjen nga familje e deklasuar qe ka “strehuar kriminelë” me 1948 dhe ka te dënuar politikë, dmth, familje antikomuniste