Dëshmi tek Krimet e Rënda, Salianji: Nuk kam besim tek Prokuroria…

Fatmir Xhafaj nuk mund ta hetojë dot veten. Sot ai drejton hetimet për vëllain e vet të kapur në trafik, dhe bashkë me Ramën po punojnë për të varrosur çështjen. Për këtë arsye nuk kam besim tek prokuroria. Kështu u shpreh deputeti i Partisë Demokratike, Ervin Salianji pasi dëshmoi në Prokurorinë e Krimeve të Rënda në lidhje me akuzat për vëllain e Ministrit të Brendshëm, duke bërë të ditur se sot ka dorëzuar edhe prova të reja.

“Pa diskutim që në kuptimin e provës që dorëzova me procesverbal për prokurorinë ka qenë një material për personat që kanë dijeni për rrethanat e çështjes dhe unë me këtë cilësi isha në prokurori qëndrova
gjatë për të dhënë çdo përgjigje dhe për të thënë çdo gjë që di,” tha Salianji duke sqaruar pse nuk ka besim tashmë tek Prokuroria.

“Fatmir Xhafaj nuk mund ta hetojë dot veten. Sot ai drejton hetimet për vëllain e vet të kapur në trafik. Bashkë me Ramën por punojnë për të varrosur çështjen. Për këtë arsye nuk kam besim tek prokuroria. Ka
dy muaj që zvarritet çështja për t’i lënë mundësi Xhafajt e Ramës për të fshirë provat. Janë broçkulla të cilat i broçkullit kryeministri dhe i pompojnë mediat. Nuk janë thërritur si persona që kanë dijeni për
çështjen, Rama, Xhafaj e Balla, ” tha Salianji duke shtuar se autoritetet lejuan Agron Xhafajn të largohej nga Shqipëria për në Itali për dënimin e vjetër të tij, në mënyrë që të shmangnin akuzat për trafik droge të kryera prej tij me mbështetjen e vëllait ministër ndërsa përfundoi.

“Nuk ka asnjë element të veprave penale të kryera prej nesh. Të vetmit që duhet të kenë frikë duhet të jenë Rama, Fatmir Xhafaj dhe vëllai i tij.”