“Dëshmia Alizoti”/ Edi Rama në Twitter pyet: Pasqyre, paqyre, kush është…

Ndonëse cicërrimën në twitter e shiti siikur i drejtohet rivalit politik përmes rrjetit social, këto dy postime nuk zbulojnë vetëm shqetësimin e Edi Ramës pas publikimit të videopërgjimit të  “dëshmitarit të tij kyç”, Fredi Alizoti, nga deputeti demokrat Ervin Salianji “ por edhe gjendjen në të cilën ndodhet kryeministri.

Sot në Ditën e Shëndetit Mendor, Edi Rama shkruan:

“E di Artist,keq puna! Po ca nga sikleti se u kape me prasin në dorë këtë herë e ca nga vesi që del me shpirtin dhe ty as nuk të rrihet pa vazhduar të sajosh e të gënjesh.”

Kështu shkruan Edi Rama! Jo, jo, Lulzim Basha, dora vetë kryeministri në twitter, aty ku qanë e qeshë pavarësisht përgjimeve audio ose video, të Babales apo Agron e Geron Xhafajt.

Por, sipas të gjitha gjasave, Edi Rama duke pyetur pasqyren se kush është më i bukuri në botë shkruan:

“E di o xhan që ti edhe veten e gënjen si askush,po mos shpreso kot se do rri mbuluar ajo pjesa që dimë të dy.”

I tha të gjitha, por “kazanët” nuk po i reagonin, të gjithë ishin në heshtje duke pyetur se ndodhi gjë me kryeministrin. Në mungesë të këtij informacioni nga “kazanët” Edi Rama poston një tjetër cicërrimë, që sërish psaqyron gjendjen në të cilën vetëm kryeministri mund të jetë:

“Ah dhe diçka me rëndësi: Po me vajzën çfarë dreqin ke që s’e le rehat? Ajo peng i krimit? Pengu juaj po,padiskutim! Lëshojeni vajzën e bëhuni njëherë të vetme burra dhe përballuni me shpifjen tuaj! Ik merri kamerat e komisariatit e shikoji bashkë me lehaqeniet e kazanit tënd.”

Situatë e rëndë, me ose pa Alfred Alizoti pak rëndësi ka! Nuk i ndihmon dot as Profesor Mentor Petrela…

Ja postimi i plotë: 

“E di Artist,keq puna! Po ca nga sikleti se u kape me prasin në dorë këtë herë e ca nga vesi që del me shpirtin dhe ty as nuk të rrihet pa vazhduar të sajosh e të gënjesh. E di o xhan që ti edhe veten e gënjen si askush,po mos shpreso kot se do rri mbuluar ajo pjesa që dimë të dy”.

Dhe: 

Ah dhe diçka me rëndësi: Po me vajzën çfarë dreqin ke që s’e le rehat? Ajo peng i krimit? Pengu juaj po,padiskutim! Lëshojeni vajzën e bëhuni njëherë të vetme burra dhe përballuni me shpifjen tuaj! Ik merri kamerat e komisariatit e shikoji bashkë me lehaqeniet e kazanit tënd