“Dëshmia Alizoti”/ Kryeministri është i bindur se Alizoti gënjen Bashën por jo Edi Ramën!

Kryeministri Edi Rama ka reaguar sërish lidhur me çështjen “Babale” pas akuzës së kryetarit të Partisë Demokratike, Lulzim Basha, se Rama ka krijuar gup të posaçëm për të mbrojtur familjen kriminale Xhafaj.

Rama në postimin e tij në Twitter shkruan:

“Po Artist po, këtë aktorin mund ta gënjenit dy herë, edhe kur e futët në rrugën e burgut me filmin, edhe kur i thatë jepi, shpif për Taulantin që të shpëtosh nga burgu! Po si i bëhet të vërtetës o Artist, të vërtetës që s’ka mbushës e analist kazani që e mbulon dot? E di, në hall je.”

Pas publikimit nga ana e deputetit të PD, Ervin Salianji të videos ku Fredi Alizoti tregonte se ishte marrë në makinën e Ardi Veliut dhe kishte takuar dhe Taulant Ballën, ku i ishte thënë “Hidhu nga ne”, mazhoranca, policia dhe prokuroria kanë nisur një fushatë medatiko-politike për të bindur opinionin se ata janë ana e shkëlqyeshme e medaljes.