“Dëshmia Alizoti”, Prokuroria thërret Bashën dhe Salianjin

Prokuroria e Krimeve të Rënda ka thirrë për të dëshmuar deputetin Ervin Salianji, pas publikimit të video-përgjimit të Fredi Alizotit nga deputeti i PD.

Mësohet se po të njëjtën ditë, organi i akuzës ka vendosur të thërrasë edhe kreun e PD-së Lulzim Basha, por për një tjetër çështje, atë të padisë për shpifje nga kryetari i grupit parlamentar të PS-së,Taulant Balla.

Ndryshe, Prokuroria e Krimeve të Rënda ka sekuestruar videon e bërë publike mbrëmjen e djeshme nga deputeti i PD-së Ervin Salianji. Mëngjesin e sotëm dy oficerë të Policisë Gjyqësore kanë shkuar në selinë blu dhe kanë marrë video materialin me Fredi Alizotin i cili u publikua mbrëmjen e së martës.