Dëshmitarët e Barba Edi Ramës

“Pres që e vërteta të dalë e plotë. Nuk kam për të ta lënë pa e nxjerrë edhe sikur për një mijë e një arsye të mosarsyes të mbulohet apo të zbutet. Natyrisht që unë nuk jap vendime as bëj pretenca. Për fat të mirë jemi në një sistem ku detyrat janë të ndara, pushtete janë të ndara, por të jeni të bindur që shqiptarët do ta mësojnë nga A të ZH, jo me institucione, me emra me emra dhe me mbiemra kush është përfshirë në këtë konspiracion për rrëzimin e qeverisë, se i tillë është.”

Ky është zotimi publik që bëri dje kryeministri Edi Rama pa e pasur të qartë se kush është më i interesuar për rrëzimin e qeverisë së tij me komplot dhe shantazhe, Lulzim Basha apo ndonjëri nga ata ustallarët që deri dje i kishte kryeministra dhe qejf mbetjet nuk i gëlltitin lehtë. Dhe, nuk janë pak. Dy, dhe shumë të fortë në botën socialiste, e për çudi nuk u mungon as lidhja shpirtërore me Taulant Ballën, sot protagonisti kryesor i asaj që dje Edi Rama e quajti ”konspiracion për rrëzimin e qeverisë!”

Edi Rama mendoj dje se mund të dalin edhe një mijë e një arsye të mosarsyes që të mbulohet apo zbutet ky konspiracion, por për shkak të mospërfilljes së mënyrës kriminale të ndërtimit të partisë nga ana e Barba Pilos me shok, kjo edhe po i ndodhë sot, Edi Ramës!

Në pikun  e karrierës së tij, kur mendoi se Lulzim Basha nuk e  rrëzon dot kurrë nga pushteti, dhe për fat të keq dhe e shprehu, në partinë e tijë kriminale edhe pas 75 vjetësh, fundi i ”Babales” nuk mund të jetë thjeshtë, Fred Alizoti. Dhe, në mesin e shumë gjërave që parashikonte ky njeri se nuk mund ti ndodhin në krye të pushtetit, se historia nuk mund të përsëritet, i ndodhi pikërisht kjo. Ndodhi hataja sërish me dëshmitar!

I rritur nën sqetullën e Barba Pilos, duke krijuar idenë se vërtetë ishte talent arti dhe i zoti për tu bërë pedagog, Edi Rama, nuk e përfilli faktin se suksesi i tij buronte nga krimi ose më saktë nga frika që buronte nga regjimi kriminal komunist.

Kjo mospërfillje mbrëmë i ra kokës! Duke mos përfillur themelet e partisë që drejton, duke mos përfillur biografinë kriminale të Barba Pilos me shokë, ai jo vetëm që nuk respekton vuajtjet e të përndjekurve politik antikomunist, por as edhe të atyre komunist. Duke u rritur me idenë se dëshmitarë në gjyq quhen edhe ata të Gjyqit Special, edhe ata të Pas Kongresit V-të të PPSH nëpër gjyqet për ta luftuar fenë, pse jo edhe ata kundër kriminelit Kadri Hazbiu ose mikut të Barba Pilos, gjakpirësit shqiptar Mehmet Shehu, Edi Rama ndërtoi karrierën e tij po me këta lloj dëshmitarë kriminal.

Edi Rama dëshmoi në gjyq duke mohuar të birin, dëshmitarët e palës kundërshtare theksuan në media se e kishte thënë këtë gjë, po me dëshmitar u mohua se nuk e kishte thënë; ndërtues të shumtë në Tiranë gjatë kohës që ishte në krye  të bashkisë së Tiranës dëshmonin se ai kërkon lekë për leje ndërtimi, po me dëshmitarë ai e konfirmoi se nuk bënte një gjë të tillë, edhe pse këta ndërtues ishin dhe janë po ata që vetëm pastrim të parave dinë të bëjnë dhe nuk kanë lidhje me biznesin, e mos të flasim pastaj për ”shkrelët” dhe ”lamçet” që mbijnë nga asgjëkundi për të dëshmuar pastërtinë e tij prej kristali. Që nuk është usta në përzgjedhjen e dëshmitarëve u pa edhe me rastin kur u shprehë se ishte pagëzuar katolik. Pagëzuesin, Dom Ndoc Sahatçinë, shumë prej njohësve të tij thanë se nga e gjeti, por për pak kohë u zbulua se nuk e kishte gjet, ja kishin gjetur. Ishte dëshmitarë publik në gjyqet e shumë klerikëve katolikë që u degdisën në burgje dhe u dënuan me vdekje shumë prej tyre. Dhe jo rastësisht, sepse në kujtimet e tij, At Zef Pllumi (”po ai që i kishte thënë Edi Ramës për pagëzim”), thekson se Dom Ndoc Sahatçia ishte një agjent i Sigurimit të Shtetit. Por kush i ka faj Edi Ramës që përçmon partinë e Barba Pilos, dhe aksiomën e tyre, ”një herë spiun, gjithmonë spiun”.

Sot, shumë vetë do ta gjykojnë Taulant Ballën, se çfarë trapi që është, sa i pështirë që është, e me raste edhe çfarë koqe që është, si ja futi Fred Alizoti!

Jo, jo, nuk ja futi njeri Taulant Ballës, ai thjeshtë ishte në shërbim. Por çfarë trapi, sa i pështirë dhe çfarë koqe që është Barba Edi! Jo pse i beson Taulant Ballës, por së pari si i dha vetës të drejtën të besoj se edhe pa partinë e Barba Pilos ai ishte talent arti dhe student i merituar për të qenë pedagog! Dhe, në fund, si i dha vetes të drejtën të besoj se ua futi dhe ka mbaruar punë si me Fatos Nanon, dhe aq më shumë me Ilir Metën…