Dëshmon viktima e përdhunimit Rraja/ Reagimi, Basha: Xhisiela mohoi përdhunimin për të mbetur gjallë…

Pas intervistave të dhëna në dy televizionet më të rëndësishme në vend të Xhisiela Malokut, ku nën presion dhe kërcënime ka mohuar përdhunimin nga ana e djalit të deputetit të PS, Rrahman Rraja, kryetari i Partisë Demokratike, Lulzim Basha reagon përmes rrjetit social Facebook duke theksuar se Xhisiela e di shumë mirë se kë ka përballë, prandaj ajo sot mohoi torturën dhe përdhunimin për të jetuar.

Ja postimi i plotë:

Është tronditëse të shohësh një të mbijetuar të përdhunimit dhe të dhunës të mohojë përdhunimin dhe torturën për të mbetur gjallë!

Xhisiela e di shumë mirë se çfarë kriminelësh gjakftohtë dhe të pamëshirshëm janë ata, ai që e përdhunoi dhe ata që e mbrojnë përdhunuesin, ndaj ajo bëri sot atë që bën çdo njeri i tmerruar që kërkon të mbijetojë: mbrojti veten dhe familjen e saj.

Rrahman Rrahja është pjesë e një prej bandave kriminale që sundojnë dhe terrorizojnë Shqipërinë. Sot në Shqipëri nuk ka më as polici, as prokurori, as drejtësi as parlament. Parlamenti dhe drejtësia kanë rënë, dhe në vend të tyre sundon banda e Ramës, Rrahjave, Habilajve, Bajrëve, Shullazëve me shokë