Dështim total, Dr. Spahia: COVID edhe në Kryeministri!

Çfarë ndodh kur COVID-i shfaqet edhe në Kryeministri? Natyrisht nuk thuhet, por fajësohen qytetarët “e pabindur”, që nuk zbatojnë rregullat e distancimit social, thekson Ish-Deputeti i Partisë Demokratike, Dr.Bardh Spahia sot kur 28 nga 82 rastet e shpallura i takojnë Tiranës:

“Ajo që nuk thuhet është se raste janë shfaqur edhe në Kryeministri, e për pasojë aty do ketë tamponim të gjerë gjatë ditës së sotme!”

Si shpjegohet që protokollet e sigurisë nuk respektohen në institucionin më të lartë ekzekutiv të vendit, konstaton një situatë absurde Ish-Deputeti i Partisë Demokratike, për institucionin prej nga lëshohen kërcënimet me gjoba e burg për qytetarët?

Kush e ka përgjegjësinë për këtë? – pyet Dr.Bardh Spahia dhe vlerëson se në këtë dramë sociale të cilën e krijoi vetë është vetëm një i dështuar dhe quhet Edi Rama ndërsa përfundon:

“Kryeministër, leri planet e errëta për të justifikuar zgjatje të gjendjes së fatkeqësisë natyrore, por shiko se çfarë ndodh në institucionin që drejton! Eshtë modeli më i shëmtuar që mund t’u japësh qytetarëve të cilët para pak ditësh i kërcënove me rimbyllje! Dështim total.”