Dështoi për herë të katërt, Paloka: Europa refuzon lolon, koston e paguajnë shqiptarët!

Pas dështimit të katërt të Kryeministrit Edi Rama për të çelë negociatat me Bashkimin Europian, Nënkryetari i Partisë Demokratike, Edi Paloka shprehet se Europa e refuzon lolon për dështimet e tij por koston e paguajnë shqiptarët.

“Dështoi për herë të katërt të hapte negociatat, siç ka dështuar me ekonominë, me punësimin, me shëndetësinë, me legalizimet,” thekson  Edi Paloka dhe e vetmja fushë ku shkëlqen është ajo e lolos së oborrit.

“Ndërkohë që vendet e tjera marrin miliona për projekte dhe investime dhe avancojnë në rrugën europiane, Shqiperia ka mbetur peng i lolos,” shprehet Nënkryetari i Partisë Demokratike, Edi Paloka, në reagimin e tij përmes rrjetit social Facebook duke përfunduar:

“Europa kërkon një qeveri dhe kryeministër serioz e jo një lolo që fsheh dështimin, krimin, drogën dhe korrupsionin me atlete e çitjane.”