Dështojnë negociatat për bashkim, Edi Paloka: Donin të vendosnin veton!

Pas deklarimit të negociatave të dështuara për bashkimin e Partisë Demokratike për zgjedhjet lokale të 14 Majit 2023 nga mbështetësit e Lulzim Bashës, ka reaguar negociatori i PD, Edi Paloka, duke sqaruar se përveç primareve që vazhdojnë të shkaktojnë alergji të madhe për deputetët e Bashës, ishte dhe vetoja ajo që ishte e papranueshme për Partinë Demokratike, dhe ata vazhduan rrugën që kishin zgjedhur 1 vit më parë!

“Që në ditën e parë kanë qenë primaret. Statuti edhe i vjetri, ai që sot e konsiderojnë të tyren, edhe ai ka primaret. Nuk ka asnjë pikë që ne të na përplaste për primaret.

Në deklaratën e tyre kërkohej praktikisht eliminimi i gjithë strukturave të ngritura të PD-së, nga një vit sakrificash, kërkohej eliminimi i strukturës. Theksohej që kërkohej një strukturë jashtë këtyre aktuale dhe të merrnin votë unanime,” tha negociatori dhe Kryetari i Këshillit Kombëtar të PD, Edi Paloka duke sqaruar si u kërkua dhe vetoja në këto negociata.

“Sikur njëri prej tyre të kundërshtonte, i gjithë procesi binte poshtë. Kishte një veto që bëhet që kur ditën e parë mendon se si ta bllokosh këtë proces. Pse duhej vendosur një veto. Unë mund ta kuptoj që kjo mund t’i kërkohej Edi Ramës, por t’i kërkosh brenda partisë,” ka sqaruar Edi Paloka duke treguar dhe klimën që ekzistonte ndër dy negociatorë që nga dita e parë:

“Unë kam biseduar me zotin Bardhi në Parlament. I kam thënë pikërisht këtë që po ju them ju. Pse duhet të krijojmë ngërçe për proces. Nuk po na detyron njeri të futemi këtu. Nëse nuk duan të bashkëpunojmë, nuk bashkëpunojmë hiç.”

Ndryshe, mëngjesin e sotëm, mediat preferenciale të Lulzim Bashës dolën me titullin e madh mbi dokumentin me 6 këreksat e negociatorit Gazment Bardhi që i ishin drejtuar Edi Palokës dhe pritej përgjigja nëse pala tjetër kishte vullnetin për bashkuar PD-në, që ishte dhe paralajmërimi i qartë se ky grupim po merrte rrugën e 6 Marsit për ti garantuar Edi Ramës sërish fitore në zgjedhjet e 14 amjit 2023.