Dështon Këshilli Politik/ Reagimi, Ambasadorja amerikane: Ndaloni me kërkesa të reja…

Pas dështimit të Këshillit Politik për të pëmbyllur Reformën Zgjedhore në afatin e përcaktuar 31 Maj, ka reaguar Ambasadorja e SHBA në Tiranë, Yuri Kim, duke i kërkuar palëve në tryezë se tani është koha që të ndalojnë të insistojnë në pozicione jo të zbatueshme ose vendosjen e kushteve të reja.

“Të gjitha palët kanë treguar lëvizje dhe ato janë jashtëzakonisht të afërta. Ju vendosët një qëllim, ju vendosët një afat më 31 maj,” thekson Ambasadorja amerikane Yuri Kim në reagimin e saj përmes rrjetit social Twitter duke i kërkuar Këshillit Politik për Reformën Zgjedhore të mbajë fjalën:

“Tani është koha që të ndaloni të insistoni në pozicione jo të zbatueshme dhe / ose vendosjen e kushteve të reja. Koha për ta mbajtur fjalën tuaj te njerëzit e  Shqipërisë. Koha për të ofruar.”

Reagimi

Të gjitha palët kanë treguar lëvizje dhe ato janë jashtëzakonisht të afërta. Ju vendosët një qëllim, ju vendosët një afat më 31 maj. Tani është koha që të ndaloni të insistoni në pozicione jo të zbatueshme dhe / ose vendosjen e kushteve të reja. Koha për ta mbajtur fjalën tuaj te njerëzit e  Shqipërisë. Koha për të ofruar.