Dështon konstituimi i Parlamentit të Kosovës
Me 52 vota për, 46 kundër dhe 11 abstenime, Parlamenti i Kosovës nuk miratoi verifikimin e mandateve për këtë legjislaturë. Kryesuesi i seancës, deputeti më i moshuar Avni Dehari, paralajmëroi një pushim për konsultime me subjektet politike por gjithçka dështua dhe u njoftua një konsultim me Presidenten e Republikës, Vjosa Osmani.
Deputeti i Lëvizjes Vetëvendosje dhe anëtar i Komisionit për verifikim të mandateve, Artan Abrashi, tha se është shqyrtuar dokumentacioni për legjislaturën e nëntë, dhe kundër këtij raporti kanë qenë deputetët e PDK-së, LDK-së dhe të AAK-së dhe për ishte Lëvizja Vetëvendosje, derisa në sallë ishim 119 deputetë prezentë.
Mollë sherri për këtë turp demokratik u bë dorëheqja e Kryeministrit Albin Kurti ose më saktë PDK-së, LDK-së dhe të AAK-së nuk i pëlqeu teksti i dorëheqjes.
“Edhe unë në emër të LDK-së, kam votuar kundër raportit, jo pse nuk përmban të dhënat e sakta nga KQZ-ja por sepse nuk është shpërndarë dokumentacioni me kohë sa i përket aktit të dorëheqjes së kryeministrit dhe ministrave të cilët janë zgjedhur si deputetë, Për të siguruar siguri kushtetues , që nuk do të ketë shkelje të Kushtetutës ne kemi kërkuar dokumentacion shtesë, na është paraqitur një letër e dërguar nga kryeministri, letër që do të duhej të shpërndahej në ditën e certifikimit, para certifikimit,” tha Anëtari i Komisionit për verifikim të mandateve, nga LDK, Armend Zemaj, duke përfunduar:
“Në nuk besojmë që kryeministri aktual, që tash është në dorëheqje sipas kësaj letre, nuk do ta shkel Kushtetutën dhe nuk do të kthehet në Zyrën e Kryeministrit. Me dhënien e betimit do të përfundojnë të gjitha mandatet.”
Kur kryesuesi i seancës, Avni Dehari mbylli seancës, dolën dhe arsyetime të çuditshme nga dy liderët që shkaktuan këtë kaos në sy të botës, edhe pse LVV nuk kishte as votat për të zgjedhur Kryetarin e Parlamentit. Kryetari i LDK, Lumir Abdixhiku, si gjithmonë pa logjikë, tha:
“Lëvizja Vetëvendosje, po e bllokon qëllimshëm procesin. Kjo çka ndodhi sot në Kuvend është episod i errët në demokracinë parlamentare. LDK-ja mbështet deputetët që janë vetëm deputetë dhe s’kanë funksione të tjera.
“Nuk mund të jesh edhe deputet edhe kryeministër e edhe ministër…E pamë në seancë, 52 mbështetës të një partie që pretendon që i ka numrat. Jepini dorëheqje, ejani në seancë, zgjidhet çështja menjëherë,” tha Abdixhiku i bandës së Devollëve .
Ndërsa Kryetari i PDK, Memli Krasniqi, e vlerësoi si veprim antikushtetues të LVV-së.
“Aktualisht në të njëjtën kohë që nga kryeministri Kurti e të gjithë ministrat që janë zgjedhur deputetë po tentojnë që të mbajnë edhe pozitë ekzekutive e edhe legjislative, që ua ndalon Kushtetuta e Kosovës. Kushtetuta e thotë qartë që nuk mund të behësh deputetët nëse je në pozicion ekzekutiv,” tha Memli Krasniqi duek vlerësuar se kjo do të zgjidhej nëse ata sot do të japin dorëheqje.
Por ndryshe nga rivalët e tij politik, Kryetari i LVV, Albin Kurti tha se se deputetët e PDK-së, LDK-së, AAK-së dhe të Listës Srpska treguan se janë edhe kundër vetvetes sepse dihet që janë kundër qeverisë e Republikës.
“Deputetët e opozitës PDK, LDK, Lista Serbe dhe AAK sot votuan kundër raportit të komisionit për verifikimin e mandateve. Në një votim krejt formal e teknik që bazohet në dokumentacionin e KQZ-së, ata u rebeluan kundër betimit të deputetëve dhe konstituimit të legjislaturës së nëntë.
Ky është sulm brenda institucional kundër Republikës së Kosovës dhe zgjedhjeve demokratike. Kjo është situatë e paparë në shtetin tonë e shumë më gjerë. Ne qeverisim mbarë e mirë, këta lanë nam e bëjnë lajm të keq për shtetin tonë. Se janë kundër qeverisë e Republikës dihet, por se janë edhe kundër vetvetes, këtë e mësuam sot,” tha Albin Kurti.
Ndërkohë Presidenca e Kosovës tha se ende s’ka pranuar letër nga Kuvendi për mbajtjen e seancës për konstituimin e Parlamentit, pasi dështoi seanca e ditës së sotme.
Ndryshe, Albin Kurti ka dhënë dorëheqje nga posti i Kryeministrit pak orë para betimit si deputet i Parlamentit të Kosovës. Kjo është bërë e ditur përmes një letre të cilën, Albin Kurti i ka drejtuar Sekretariati të Kuvendit të Kosovës, pro që aktualisht opozitës nuk po i pëlqen.
Letra e plotë:
I nderuar Kryetar i Kuvendit të Republikës së Kosovës, z. Glauk Konjufca,
Që nga 23 marsi kur përfundoi mandati i plotë katërvjeçar i qeverisjes sonë, qeveria është në detyrë/dorëheqje. Në përputhje me Kushtetutën dhe ligjet në fuqi, me deklaratën që kam dhënë dhe është pranuar në KOZ me datë 27 mars 2025, dhe me qëndrimin tim publik të po asaj dite, efektivisht jam i dorëhequr bashkë me kabinetin qeveritar.
Për qëllim betimin si deputet i Kuvendit të Republikës së Kosovës, të legjislaturës së nëntë, po e përcjell edhe zyrtarisht njoftimin tim për dorëheqje nga posti ekzekutiv, veçse efektiv që nga data e lartcekur sipas Kushtetutës dhe ligjeve në fuqi.
Me respekt,
Albin Kurti
Kryeministër në detyrë i Republikës së Kosovës
