Dështon përpjekja e 10-të, deputetët e zgjedhur nuk e duan konstituimin e Parlamentit të Kosovës

Dështoi për herë të dhjetë konstituimi i legjislaturës së nëntë të Parlamentit të Kosovës duke shpërfaqur jo një krizë politike por një krizë mendore të deputetëve të zgjedhur ndonëse ju del nga goja vendimi i Gjykatës Kushtetuese ku posti i Kryetarit të Parlamentit i takon partisë fituese.

Kryesuesi i seancës, Avni Dehari, kërkoi nga subjektet politike që nuk propozuan kandidatë për Komisionin për votim të fshehtë në vazhdimin e seancës së kaluar ta bëjnë një gjë të tillë sot.

Në sallë ishin të pranishëm 106 deputetë. Në votimin për Komision 54 vota ishin për, 1 kundër dhe asnjë abstenim, por deputetët e tjerë nuk morën pjesë fare në votim.

Si rrjedhojë kryesuesi i Parlamentit tha se është i obliguar që ta ndërpresë seancën për mungesë kuorumi. Ai tha se seanca vazhdon të hënën në orën 10:00.

Ndryshe, abusrditeti i krijuar politik ku opozita kërkon të vendos për partinë fituese Lëvizjen Vetëvendosje se kë duhet të propozoj për Kryetar të Parlamentit, dhe partia fituese që e refuzon ka krijuar një situatë politike që as Presidenti Ahtisaari i ndjerë nuk e ka parashikuar, kur ka dhënë formulën e mirëfunkisionimit të shtetit të Kosovës!

Nuk kishte dhe si ta parashikonte, kur Martti Ahtisaari me ekipin e tij as nuk e kanë menduar se do të jenë partitë politike shqiptare që do ta bllokojnë funksionimin e shtetit të Kosovës!