Dështon përpjekja e 19-të për konstituimin e Parlamentit të Kosovës

Sot ka dështuar përpjekja i 19-të për konstituimin e legjislaturës së nëntë të Parlamentit të Kosovës. Kryesuesi Avni Dehari ftoi partitë politike PDK, LDK dhe AAK e NISMA që të propozojnë anëtarët për formimin e një Komisioni i cili do vendoste për një votim të fshehtë, mirë partitë sërish refuzuan.

Me 54 vota për, një kundër dhe asnjë abstenim ndonëse 109 deputetë ishin të pranishëm në sallë, u hodhë poshtë propozimi për formimin e Komisionit për votim të fshehtë për zgjedhjen e Kryetarit të Parlamentit.

Vazhdimi i seancës u caktua për datën 23 maj në orën 11:00.

Ndryshe, deri më tani kanë kaluar vetëm dy pika të seancës konstituive: Raporti i Komisionit të përkohshëm për verifikimin e mandateve, dhe, betimi i deputetëve; Seanca ka ngecur te pika e tretë, zgjedhja e Kryetarit Parlamentit.

Kandidatja e propozuar për Kryetar të Parlamentit nga Lëvizja Vetëvendosje, Albulena Haxhiu, po konsiderohet si figurë përçarëse nga PDK dhe AAK ndërsa LDK është shprehur se nuk voton asnjë kandidat të propozuar nga LVV.